• USD 468.56

  • EUR 497.56

  • RUB 7.3

  • CNY 67.18

28 Naýryz, 13:59:05
Almaty
+35°

Qoǵam belsendisi, resmı derek boıynsha tergeý ızolıatorynda júrek talmasynan qaıtys boldy delingen Dýlat Aǵadildiń qaryndasy Janar Beısenbaeva advokat Aıman Omarovaǵa vıdeoúndeý joldady. birneshe kún buryn Aǵadil isi boıynsha marqum otbasynyń advokaty bolǵan Omarova óziniń bul isten bas tartatynyn málimdegen. Dýlat Aǵadildiń qaryndasy vıdeoúndeýde Aıman Omarovadan kóńili qalǵanyn aıtty. 

"Aıman Omarovanyń meniń otbasyma ásirese jeńgeme dóreki sóılegeni meniń janyma batty. Aıman Omarova, osy kezge deıin sizdiń bir isińizge aralasyp, sózińizge jaǵalasqanymyz joq. О́zińiz bir efırińizde "maǵan habarlasyp, mazamdy almańyzdar" dep aıttyńyz. Sol sebepti biz úndemedik. Siz tek anammen sóılesip otyrdyńyz. Biraq anama ne istep, ne aıtý kerektigine deıin aıtyp otyrdyńyz. Munyń barlyǵyn bilemiz, habardarmyz jáne túsinistikpen qaraımyz. Degenmen otbasymyzdyń arasyna iritki salýdyń qajeti joq. Siz arandatty eken dep biz óz aramyzda urysyp qalmaımyz. Buǵan deıin urysyp, jaǵa jyrtysyp kórmedik, budan keıin de ondaı jaǵdaı bolmaıdy. Men Dýlattyń otbasyn renjitýge jol bermeımin. Dýlattyń áıeline qalaı qaıǵyrý kerektigin siz úıretpeı-aq qoıyńyz. Kúni keshe kúıeýinen aıyrylǵan adam efırge qalaı shyǵady? О́zi endi ǵana esin jıyp jatyr. Sizge ońaı kóringen shyǵar, biraq jeńgeme ońaı bolmady. 26 jyl otasqan kúıeýinen aıyrylý ońaı deısiz be? Biz sizden eshteńe suramadyq, talap etpedik. Osyǵan deıin úndemedik. Biraq belsendiler aralasa bastaǵanda sizdiń kim úshin jumys isteıtinińiz belgili boldy. Álde siz Dýlattyń belsendi ekenin bilmedińiz be? Dýlattyń belsendi azamat bolǵany barlyq qujatta kórsetilgen. Tipti qujattardyń birinde "Dýlat Aǵadil QDT-nyń pikirin qoldaıdy" dep anyq jazylǵan. Osy kezge deıin úndemeı, endi efırge shyǵyp jatyr demeńiz. Meniń shydamym taýsyldy. Sizden kóńilimiz qaldy. Anama habarlasyp, mazasyn almańyz. Osyǵan deıingi efırlerińizde naqty eshteńe aıtylmady. Artyq suraq qoıǵandardy buǵattaı bastadyńyz. Meniń  de suraǵymdy jaýapsyz qaldyrdyńyz. Siz bıliktegilerdiń emes qorǵalýshy azamattyń quqyǵyn qorǵaýyńyz kerek. Artyq sóıleýdiń keregi joq. О́mir alda, áli talaı kezdesemiz" dedi Janar Beısenbaeva. 

Buǵan deıin advokat Aıman Omarova belsendi Dýlat Aǵadildiń isinen bas tartý sebebin Aǵadildiń ólimin saıası toptar óz múddesine paıdalanbaq bolǵanymen túsindirgen.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir