Bıologııa jáne bıotehnologııa ǵylymı-zertteý ınstıtýty túıe indetine synaq ótkizip, oǵan qarsy vaksına shyǵarýǵa kiristi, dep habarlaıdy QR AShM baspasóz qyzmeti.

Buǵan deıin «Veterınarlyq medısınanyń ulttyq anyqtamalyq ortalyǵy» RMK zerthanalyq zertteýleriniń nátıjeleri boıynsha Beıneý, Tájen jáne Syńǵyrlaý aýyldyq okrýgterinde túıe indetine baılanysty karantın engizilgen.

«Túıeler arasynda indet joq, alaıda janýarlar oqshaýlanyp, ákimdikterdiń veterınarııa bólimderi men QR AShM Veterınarlyq baqylaý jáne qadaǵalaý komıteti aýmaqtyq ınspeksııasynyń jiti baqylaýyna alyndy.

Indet anyqtalǵan oryndarda «Respýblıkalyq epızootııaǵa qarsy otrıad» RMK Mańǵystaý fılıalynyń mamandary dezınfeksııa jumystaryn júrgizýde.

Sondaı-aq, otandyq bıologııa jáne bıotehnologııa máseleleri jónindegi ǵylymı-zertteý ınstıtýty synaqtar ótkizip, túıe juqpasyna qarsy vaksınany iske qosty. Zańnamaǵa sáıkes ony tirkeýdi Qazaqstan Respýblıkasy Aýyl sharýashylyǵy mınıstrliginiń Veterınarlyq baqylaý jáne qadaǵalaý komıteti júzege asyrady» delingen mınıstrlik taratqan aqparattyq habarlamada.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir