Tvıtter: Biz jumysty máńgi qashyqtan jasaı beremiz

Tvıtterdiń bas dırektory qyzmetkerlerine jumysty qashyqtan "máńgi jalǵastyra berýge bolatynyn" aıtty. Bul týraly Qamshy tilshisi BBC-ge silteme jasap habarlaıdy.

Shtab-páteri San-Fransıskoda ornalasqan kompanııanyń 5000-ǵa jýyq adamnan turatyn jumysshylary naýryz aıynyń basynan bastap qashyqtyqtan jumys istep jatyr.

– Bizde adamdarǵa úıde jumys isteýge múmkindik berý úshin erekshe jaǵdaı  jasalǵan. О́tken birneshe aıda jumysty qashyqtan jasaı alatynymyzdy dáleldedik. Sondyqtan eger bizdiń qyzmetkerlerimiz úıden jumys isteı beretin rólde bolsa jáne olar muny máńgi jasaǵysy kelse, biz buny júzege asyramyz,–dep tvıtterdiń bas dırektory Djek Dorsı elektrondy poshta arqyly qyzmetkerlerge jazǵan.