Almatyda epıdemıologııalyq jaǵdaı turaqtaldy

Almatyda epıdemıologııalyq jaǵdaı turaqtaldy. Bul týraly Almaty qalasy ákimdiginiń baspasóz ortalyǵynda ótken onlaın-brıfıngte qoǵamdyq densaýlyq basqarma basshysy Tileýhan Ábildaev málimdedi.

Qaladaǵy qazirgi epıdemıologııalyq jaǵdaı jáne koronavırýs ınfeksııasyn juqtyrǵan azamattardyń jaı-kúıi týraly tolyq aqparat bergen basqarma basshysy búgingi tańda megapolıste koronavırýstyq ınfeksııany juqtyrýdyń jańadan rastalǵan, ıaǵnı, keshegi 13 jáne búgingi kúngi 26 jaǵdaıy anyqtalǵanyn, qazirgi ýaqytta Almatyda jalpy 1622 Covid-19 jaǵdaıy tirkelgenin aıtty.

– Atalǵan jaǵdaılardyń barlyǵy provızorlyq gospıtaldarda karantınde bolǵan adamdardan anyqtaldy. Buǵan deıin olar vırýs juqtyrǵan adamdarmen baılanysta bolǵan. Qazirgi ýaqytta Almatyda koronavırýs indeti boıynsha jaǵdaı turaqtaldy, – dedi T. Shildebaıuly.

Almaty qalasy qoǵamdyq densaýlyq Basqarma basshysy Tileýhan Ábildaevtyń aıtýynsha, sońǵy kúnderi Covid-19 vırýsyna oń nátıjeler tek karantındegi adamdardan anyqtalǵanyn, sondaı-aq, jańa juqtyrý oshaqtary tirkelmegen.

– Stasıonarlarda koronavırýstyq ınfeksııadan 1145 adam, provızorlyq gospıtaldarda 404 azamat emdelýde, karantınde – 329 adam jáne úıde oqshaýlaýda 15 327 azamat bar. Stasıonarlardaǵy Covid-19 vırýsy bar 33 emdelýshiniń jaı-kúıi – aýyr, 237 adamda – aýyrlyqtyń ortasha dárejesinde jáne qalǵan naýqastarda sımptomsyz jeńil túrde ótýde. Qazirgi ýaqytta Almaty qalasynda О́JJ apparatymen emdelip jatqan naýqastar da, jaı-kúıi asa aýyr dárejedegi naýqastar da joq, – dedi ol.

Basqarma basshysy Almatyda atalǵan vırýstan emdelip jatqan adamdardyń basym kópshiliginde, dálirek aıtqanda, naýqastardyń 77%-ynda bul syrqat jeńil túrde ótip jatqanyn, ıaǵnı halyqaralyq tájirıbege sáıkes olar emdeýdi qajet etpeıtinin, biraq, olar vırýsty tikeleı tasymaldaýshy bolyp tabylatynyn eskertti.

– Atalǵan emdelýshilerge qatysty, eger úıdegi karantınge olarda tıisti jaǵdaılar jasalǵan bolsa, onda olardy úı karantınine jiberý máseleleri qaralatyn bolady, al eger olarǵa úıde tıisti jaǵdaı jasalmaǵan bolsa, onda karantındik stasıonarlarda bolady. Mysaly, qazirgi ýaqytta Almatyda aýrýy jeńil túrde júrip jatqan 68 medısına qyzmetkeri úı jaǵdaıynda ózin-ózi oqshaýlaý jolymen emderin aıaqtaýǵa aýrýhanadan shyǵarylǵan, – dedi spıker.

Naýqas úıde oqshaýlanǵan jaǵdaıda óziniń jaı-kúıi týraly turaqty túrde esep berip otyrýy tıis. Eger ol ózin nashar sezinse dereý dárigerdi shaqyrýy qajet bolady.

Spıkerdiń aıtýynsha, eger naýqas úıde emdelýge qaldyrylsa, bul onyń jaı-kúıin baqylaýdy toqtatty degendi bildirmeıdi. Onyń kúndelikti jaǵdaıyn emhana qyzmetkerleri qońyraý shalý arqyly baqylaýda ustap otyrady.

Keshe koronavırýstyq ınfeksııadan 38 adam emdelip shyqty. Búginde dertinen aıyǵyp, jazylǵandardyń sany 468 adamǵa jetip otyr.

Megapolıste jalpy vırýs juqtyrǵandar ishinen saýyǵyp shyqqan emdelýshiler sany búgingi kúni 29,0%-dy, al úı karantınine shyǵarylǵandardy esepke alǵanda 33%-dy quraıdy.

Basqarma basshysy sóziniń sońynda dárigerdiń senimdi serigine aınalǵan meıirbıkelerdi halyqaralyq merekelerimen quttyqtady. Olardyń TJ kezinde jaýapkershilik júgin arqalaı júrip, aldyńǵy shepte qyzmet kórsetkenin aıta kelip, otbastaryna amandyq, eńbekterine tabys tiledi.