Búginde álem boıynsha jeti ǵylymı ujym koronavırýsqa qarsy vaksına oılap tabý úshin klınıkalyq synaq ótkizip jatyr. Bul týraly QR bas memlekettik sanıtar dárigeri Aıjan Esmaǵambetova QR Densaýlyq saqtaý mınıstrliginiń medıa ortalyǵynda ótken tikeleı efırde aıtty, dep QazAqparat habarlady. 

– Koronavırýsqa qarsy vaksına elimizdegi Bıologııalyq qaýipsizdik ǵylymı-zertteý ınstıtýtynda jáne Bıotehnologııa ulttyq ǵylymı ortalyǵynda jasalýda. Jalpy alǵanda, álem boıynsha koronavırýsqa qarsy vaksına jasaýmen aınalysyp jatqandar kóp. Búginde jeti ǵylymı ujym klınıkalyq synaq ótkizip jatyr, – deıdi QR Bas memlekettik sanıtar dárigeri Aıjan Esmaǵambetova.

Onyń aıtýynsha, klınıkalyq synaq koronavırýsqa qarsy vaksınanyń nátıjeligin kórsetedi.

– Búgingi kúngi bizdiń mindet – koronavırýspen aýyrǵandar sanyn azaıtý. Testiden ótkizýdi kóbeıte berýimiz kerek. Mysaly, naýryz aıynda 34 myń ǵana test boldy jáne aýyrǵandar men olarmen baılanysta bolǵandardy testileýden ótkizdik. Al sáýir aıynda profılaktıkalyq testke kóshtik. Naýryzdan osy ýaqytqa deıin 320 myń adam testiden ótti. Sáýir aıynda tótenshe jaǵdaı kezinde jumys istegen adamdardy, dárigerlerdi, aıaǵy aýyr áıelderdi, emhanada tirkeýde turǵandardy qostyq, – deıdi ol.

 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir