12 Mamyr, 2020 NEWS

Ilon Mask qamaýǵa alynýy múmkin

Reuters

Tesla kompanııasynyń bas atqarýshy dırektory Ilon Masktyń qamaýǵa alynýy múmkin ekeni týraly habarlandy. Bul týraly Qamshy tilshisi Reuters-ke silteme jasap habarlaıdy.

Ilon Maqsatyń Kalıfornııadaǵy avtomobıl shyǵaratyn zaýyty jabyq turý týraly buıryqty oryndamaǵan. Osyǵan baılanysty Tesla-nyń bas atqarýshy dırektory "eger kimde-kimdi tutqyndaýǵa týra kelse, meni tutqyndasyn" dedi.

Demalys kúnderi Mask óz zaýytynyń jabylýyna baılanysty Kalıfornııadan Tehasqa nemese Nevadaǵa ketetinin jarııalaǵan. Ol bul qadamy úshin jumys oryndaryndaǵy básekelestikti erekshe atap ótti.

Ilon Mask tvıtter paraqshasynda óndiristi dúısenbide qaıta bastaıtynyn, montajdaý jelisindegi qyzmetkerler jumysqa shyǵatynyn aıtty.

– Eger kimde-kim tutqyndalý kerek bolsa, meni ǵana tutqyndaýyn suraımyn, – dep jazdy ol tvıtterinde.

Zaýyt ornalasqan Alameda okrýginiń densaýlyq saqtaý qyzmetkerleriniń aıtýynsha, dúısenbi kúni keshke Tesla ruqsat etilgen mınımaldy negizgi operasııalardyń shekteýin buzǵan. Jergilikti bılik kompanııaǵa okýrg bekitken josparsyz jumys isteı almaıtynyn habarlaǵan.

Bılik ókilderi dúısenbide kompanııadan jaýap kútkenin jáne «Tesla budan ári májbúrleý sharalaryna jetkizbeıtinine úmittenetinderin» habarlady. Málimdemede zardaptar kórsetilmegen jáne sheneýnikter budan ári túsinikteme bermeıtinin jarııalady.

Jergilikti bılik ókilderi memlekettiń tyıym salý tártibin buzý aıyppulmen, qamaýǵa alýmen nemese eki túrimen teń jazalanatynyn aıtty.

Ilmek sózder: Ilon Mask Qamaý

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir