Bul týraly MO taýarlar men kórsetiletin qyzmetterdiń sapasyn baqylaý departamentiniń basshysy Erǵalı Sydymanov oblystyq qoǵamdyq kommýnıkasııa ortalyǵy alańynda ótken brıfıngte málimdedi.

Aǵymdaǵy jyldyń 11 mamyrynda epıdemıologııalyq jaǵdaı boıynsha  Mańǵystaý oblysy aýmaǵynda koronavırýs ınfeksııasyn juqtyrǵan qosymsha 9 adam tirkeldi. Oblys boıynsha 129 naýqas koronavırýs indetimen tirkelgen. Sońǵy 7 kún ishinde 55 (74,3 paıyz) naýqas tirkeldi.

Koronavırýs ınfeksııasyn juqtyrǵandardyń eń joǵary Beıneý aýdanynda – 37 jaǵdaı, Qaraqııa aýdanynda – 30 jaǵdaı, Aqtaý qalasynda – 29 jaǵdaı, Jańaózen qalasynda – 23 jaǵdaı.

Oblys kóleminde tirkelgen 129 jaǵdaıdyń ishinde:

  • syrttan ákelingen – 5 jaǵdaı (Stambýl – 1, Sankt-Peterbýrg – 2, Astrahan – 2)
  • jergilikti jaǵdaı – 36 (onyń ishinde 20-sy «TeńizShevroıl» mekemsinen kelgen jumysshylar)
  • qarym-qatynasta bolǵandar arasynan – 88 jaǵdaı (68,2%) qurady.

Koronavırýstyq ınfeksııa juqtyrǵandardyń ósýiniń negizgi sebepteri  birinshiden,  Qaraqııa aýdanynyń Senek aýylynda karantın rejımi kezinde januıalyq is-shara (sadaqa) ótkizý bolyp tabyldy. Atalǵan aýyldyń ózinde búgingi kúngi 23 jaǵdaı anyqtaldy. Sol sharada bolǵan adamdar anyqtalyp, oqshaýlandy.

Ekinshiden, Atyraý oblysyndaǵy «TeńizShevroıl» kompanııasynda vahtalyq ádispen qyzmet etetin 705 óńir turǵyny keldi. Osy kelgenderdiń barlyǵy zerthanalyq tekseristen ótip, onyń ishinde 20 adamnan ınfeksııa anyqtaldy.

Úshinshiden, Reseıde oqyp jatqan óńirdiń 154 stýdenti keldi. Osy kelgenderdiń barlyǵy tekserilip, onyń ishinde 4 adamnan ınfeksııa anyqtaldy.

Infeksııa oshaqtarynda baılanysta bolǵan adamdar – 1937, jaqyn qatynasta – 484, potensıaldyq qatynasta – 1453.

2020 jyldyń 3 naýryzynan búgingi kúnge deıin 11 186 adam tekserilip, 129 adam KVI anyqtaldy,  – dedi Erǵalı Sydymanov.

Mańǵystaý oblysynda  aýrýynyń órshýine baılanysty jáne QR Bas sanıtarlyq dárigeriniń qaýlysy negizinde kelesi obektiler jumystaryn janartylady: Jalpy ereje burynǵydaı̆. Oǵan qosymsha: balabaqshalar (tek ata-anasy jumystaǵy balalar ǵana bara alady, jumysyńyzdan ony rastaıtyn anyqtama aparyp berýińiz kerek) qosymsha oqý ortalyqtary, sulýlyq salony, bank, HQKO, poshtalar, saqtandyrý kompanııalary, notarıýs, advokattyq keńseler, qurylys dúkenderi, tigin, aıaq kıim sheberhanalary, avtokólik jýý oryndary óz jumysyn bastasa boldy. Bul jerlerge betperdesiz kirýge bolmaı̆dy. 1,5 - 2 metr ara qashyqtyqty saqtaý kerek. Kóktemgi dala jumystaryna da ruqsat berildi.

Mekeme men keńse qyzmetkerleriniń 50% áli de araqashyqtyqta jumys isteý týraly usynyldy.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir