Mańǵystaýdaǵy Ondy úlgili aýyl dep tanyldy

Mańǵystaý oblysynda aýyldardy damytý alǵa qoıǵan negizgi baǵyttardyń biri. Árbir eldi-meken zaman talabyna saı órkendep, turǵyndardyń qolaıly ómir súrýine beıim bolýy qajet. El úkimetiniń de alǵa qoıyp otyrǵan basty maqsaty osy. О́ńirde áleýmettik-ekonomıkalyq jáne aýyl sharýashylyǵy jaǵynan órkendep kele jatqan eldi-mekenderdiń biri Ondy aýyly.

Bul - qoǵam qaıratkeri, ádebıettiń alyby Ábish Kekilbaevtyń týǵan jeri.Aýyl shaǵyn bolǵanymen, jergilikti turǵyndar ata kásip aýyl sharýashylyǵyn belsendi júrgizýde: et, sút ónimderin óndiredi. Aýylda 32 sharýa qojalyǵy kásibin dóńgeletip otyr. Aýylda turǵyndardyń qolaıly ómir súrýine tolyq jaǵdaı jasalǵan. Sondyqtan Ondy aýylyn aımaqtaǵy eń úlgili aýyl dep ataýǵa bolady.Bıyl QR prezıdentiniń tapsyrmasymen «Jumyspen qamtýdyń jol kartasy» baǵdarlamasyn tıimdi júzege asyrý bastaldy. Osy baǵdarlama aıasynda oblysqa respýblıkalyq bıýdjetten 34 mıllıard teńge bólindi deıdi, Mańǵystaý oblysynyń ákimi Serikbaı Trumov. Bul qarajat ınfraqurylymdy damytý, jol qurylysy, áleýmettik nysandardy salý, aýyl sharýashylyǵyn damytý boıynsha jobalardy iske asyrýǵa kózdelgen. Osy baǵytta Ondy aýylynda 20 oryndyq jańa ambýlatorııanyń qurylysy bastaldy.

Nysannyń qurylysyna jergilikti mamandar jumyldyrylǵan. Ambýlatorııany bıyljyl sońyna deıin paıdalanýǵa berý josparlanýda. Onda jumys isteıtin medısınalyq qyzmetkerler de jergilikti kadrlardan alynatyn bolady. Nysan zamanaýı jabdyqtarmen jaraqtandyrylady, bul endi turǵyndarǵa emdeý jáne tekserý úshin aýdan ortalyǵyna barýdyń qajeti joq degendi bildiredi. Serikbaı Trumov jaýapty tulǵalarǵa oryndalatyn jumystardyń sapasyn jáne merziminde aıaqtalýyn baqylaýdy tapsyrdy. Aýyl turǵyny Jánibek Qojyq Ondy irgesinen jylyjaı keshenin salý týraly usynys jasady. Bul azyq-túlikke degen ishki qajettilikti qamtamasyz etýge múmkindik beredi. Atalǵan usynysqa oblys ákimi qoldaý bildirip, másele jan-jaqty qaralý kerektigin eskertti. Qazirgi kúni Mańǵystaý aýdanyna qarasty Jarmysh aýylynda mádenıet úıiniń qurylysy qaıta jalǵasyn tapty. Nysan qurylysy 2018 jyly bastalǵan, biraq qarajattyń jetispeýine baılanysty toqtap qalǵan bolatyn. Bıylǵy jyly «Jumyspen qamtýdyń jol kartasy» baǵdarlamasy aıasynda 211 mln teńge bólinip, qaıta jandandyryldy. Nysan osy jyldyń qarasha aıynda paıdalanýǵa beriledi.Bul memlekettik baǵdarlamany iske asyrý, birinshi kezekte, halyqty jumyspen qamtýǵa baǵyttalǵan. О́tken jyly oblys ákiminiń turǵyndarmen kezdesýinde Aqshymyraý, Qyzan, Tushyqudyq, Shebir, Jyńǵyldy aýyldarynda birqatar áleýmettik mańyzdy máseleler kóterildi. «Búgingi kúni olar kezeń-kezeńimen sheshilýde. Mysaly, Tasmuryn - Mástek avtojolyn, Shetpeden Shaıyr aýylyna, Shaıyrdan Jyńǵyldy aýylyna deıingi jol salý josparlanǵan. Qarajat bólingen, jumystar aǵymdaǵy jyldyń sońyna deıin qarqyndy júrgiziletin bolady» deıdi aımaq basshysy Serikbaı О́telgenuly. О́tken jyldan bastap elimizde «Aýyl - el besigi» baǵdarlamasy belsendi túrde júzege asyrylýda. Mańǵystaýda osy baǵyt boıynsha 2019 jyly 1 mlrd.100mln teńge bólindi. Bul qarajat aýyldyq jerlerde avtomobıl joldaryn salýǵa jáne qaıta jańartýǵa baǵyttaldy. «Bıylǵy jyly Mańǵystaý oblysyna «Aýyl - el besigi» baǵdarlamasy aıasynda ınfraqurylymdy damytýǵa, aýyldyq jerlerde áleýmettik nysandardy salýǵa 3 mıllıardtan astam teńge bólindi. Aýyl-elimizdiń tiregi, oǵan erekshe nazar aýdarýymyz kerek, dedi oblys ákimi Serikbaı Trumov.