• USD 468.56

  • EUR 497.56

  • RUB 7.3

  • CNY 67.18

29 Naýryz, 10:06:12
Almaty
+35°

Bul  týraly qoǵamdyq kommýnıkasııa ortalyǵynda ótken brıfıngte Mańǵystaý oblysy statıstıka departamentiniń basshysy Rımma Ýtıýsheva  málim etti. 

2020 jylǵy 1 naýryzǵa oblystaǵy halyq sany 702 953 adamdy qurady, onyń ishinde qalalyqtar – 279 120 (39,7%), aýyldyqtar – 423 833 adam (60,3%). 2020 jyl basymen salystyrǵanda halyq sany 4 myń adamǵa nemese 0,6% ósti.

Kóshi-qon

2020 jylǵy qańtar-aqpan 2019 jyldyń qańtar-aqpanymen salystyrǵanda oblysqa kelgender 1,7 ese, ketkender sany 1,6 ese ósti.

Elimizdegi negizgi kóshi-qon almasýy TMD memleketterimen bolýda. TMD elderinen kelgenderdiń jáne sol elderge ketkenderdiń úlesi tıisinshe 94,4% jáne 87,8% qurady.

El ishinde qonys aýdaratyn kóship-qonýshylar sany 1,7 ese kóbeıdi. Oblysaralyq qonys aýdarý boıynsha halyq kóshi-qonynyń oń aıyrymy elimizdiń bir qalasynda, jáne 4 aýdanynda:  Jańaózen q.á. (76 adam), Munaıly (156 adam), Beıneý (9 adam) Túpqaraǵan (46 adam), jáne Mańǵystaý (8 adam), aýdandarynda baıqaldy.

Turmys deńgeıi

2019 jylǵy IV toqsanda halyqtyń orta eseppen jan basyna shaqqandaǵy ataýly aqshalaı tabystary baǵalaý boıynsha 144342 teńgeni qurady, bul 2018 jylǵy IV toqsanǵa qaraǵanda 2,3% joǵary, naqty aqshalaı tabys kórsetilgen kezeńde 3,4% tómendedi.

Eńbek jáne jumyspen qamtý statıstıkasy

2019 jylǵy IV toqsanda jumyssyzdar sany baǵalaý boıynsha 16,1 myń adamdy, jumyssyzdyq deńgeıi jumys kúshi (ekonomıkalyq turǵydan belsendi halyq) sanyna shaqqanda 5% qurady. 2020 jylǵy naýryzdyń sońyna jumyspen qamtý organdarynda esepte turǵan jumyssyzdar sany 12802 adamdy qurady, ekonomıkalyq belsendi halyq sanyndaǵy tirkelgen jumyssyzdar úlesi 4% qurady. 2020 jylǵy I toqsanda bir qyzmetkerge eseptelgen ortasha aılyq ataýly jalaqy 323642 teńgeni qurady, aldyńǵy jylǵy tıisti kezeńimen salystyrǵanda 112,4%-ǵa kóbeıdi, naqty jalaqy ındeksi 105,9%-dy qurady.

Baǵalar

Tutyný baǵalarynyń ındeksi 2020 jylǵy naýryz  aıynda 2019 jylǵy jeltoqsan aıymen salystyrǵanda 102,6% qurady. Azyq-túlik taýarlaryna baǵalar - 3,3%, azyq-túlik emes taýarlaryna - 1,4%,  aqyly qyzmetter - 2,9%-ǵa ósti. Aǵymdaǵy jyldyń naýryz aıynda nan ónimderi men jarma ónimderine - 1%, makaron ónimderine - 0,4%, et pen qusqa - 0,9%, shujyqtar, etten daıyndalǵan ónimderge - 0,8%, balyq jáne teńiz ónimderine - 1,4%, sút ónimderine - 0,7%, jemis-jıdekter men kókónisterge - 5%, alkogolsiz sýsyndarǵa - 1,8%, alkogoldi sýsyndar, temeki ónimderine - 0,3% qymbattady.

Baǵanyń tómendeýi jumyrtqaǵa - 1,7%, qumshekerge - 0,9% belgilendi.

Kıim men aıaqqıimge - 0,9%, úı turmysyna qajetti zattar, turmystyq tehnıkanyń baǵasy - 1%-ǵa qymbattady. Densaýlyq saqtaý qyzmetiniń tarıfy - 0,3%-ǵa, kólik qyzmeti - 20,1%-ǵa, demalys jáne mádenıet - 0,4%-ǵa ósti.

Aǵymdaǵy jyldyń naýryz aıynda Mańǵystaý oblysy boıynsha eń tómengi kúnkóris deńgeıiniń shamasy 36150 tengeni qurady.

О́nerkásip

2020 jylǵy qańtar-naýryz aıynda ónerkásip óndirisiniń kólemi qoldanystaǵy baǵalarda 625,1 mlrd. teńgeni, ónerkásiptik óndiristiń ındeksi 101% qurady.

Investısııalar

2020 jylǵy qańtar-naýryz aıynda negizgi kapıtalǵa salynǵan ınvestısııalar kólemi 105228,7 mln. teńgeni qurady, bul ótken jylǵy kezeńimen salystyrǵanda 27,6%-ǵa kóbeıdi.

Turǵyn úı qurylysy

2020 jylǵy qańtar-naýryzda paıdalanýǵa berilgen turǵyn úıdiń jalpy alańy 349 myń sharshy metrdi, onyń ishinde jeke qurylysshylar salǵan 238 myń sharshy metrdi qurady. Paıdalanýǵa berilgen turǵyn úıdiń naqty kóleminiń ındeksi 2019 jylǵy qańtar-naýryzǵa 94,7% qurady.

2020 jylǵy qańtar-naýryzda halyq salǵan turǵyn úı qurylysynyń 1 sharshy metriniń ortasha naqty shyǵyndary - 82,9 myń teńgeni teńgeni qurady.

Qurylys

2020 jylǵy qańtar-naýryzda qurylys jumystarynyń (qyzmetteriniń) kólemi 28829,9 mln. teńgeni qurady, bul 2019 jylǵy qańtar-naýryzǵa qaraǵanda 1%-ǵa kóp.

Aýyl sharýashylyǵy

Aýyl, orman jáne balyq sharýashylyǵynyń ishki óniminiń kólemi 2020 jylǵy qańtar-naýryzdaǵy 3197,1 mln. teńgeni qurady, onyń ishinde 2939,4 mln. teńgeni qurady, naqty kólem ındeksi (NKI) 2019 jyl men salystyrǵanda 1% ósti jáne 101% qurady.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir