Mańǵystaýda «Taǵzym-5» kitabynyń tusaýy kesildi

Mańǵystaý oblysynda 5-mamyr kúni onlaın rejımde Uly jeńistiń 75 jyldyq merekesine oraı jınaqtalyp shyǵarylǵan «Taǵzym-5» kitabynyń tanystyrylýy uıymdastyryldy. Onlaın sharaǵa oblystaǵy zııaly qaýym ókilderi, ardagerler men tyl ardagerleriniń urpaqtary qatysty. Sharany Mańǵystaý oblysy ákiminiń orynbasary Qanybek Jumashev ashty.

Bul kitap Mańǵystaý oblysynyń mádenıet, tilderdi damytý jáne arhıv isi basqarmasynyń qoldaýymen shyǵarylǵan. Budan burynǵy Jeńistiń 50, 60, 65, 70 jyldyqtaryna arnalǵan «Bozdaqtar», «Taǵzym» kitaptarynyń jalǵasy bolyp tabylady.

Kitaptyń qurastyrýshysy - aldyńǵy kitaptardy qurastyrýǵa at salysqan Mańǵystaý oblysynyń qurmetti azamaty Qoılybaı Qarajanov.

Jınaq - eli úshin qurban bolǵan jaýyngerler rýhyna taǵzym etýge, jas urpaqty tárbıeleýge, el basyna kún týǵanda ajalmen betpe-bet turǵan babalarynyń erligin úlgi ete otyryp patrıottyq sezimdi qalyptastyrýǵa shaqyrady. 

Bul kitap – Otan soǵysynyń otty jyldarynda ortaq jaýmen alysyp, janyn shúberekke túıgen maıdangerler men tyl ardagerlerine, erlikpen qaza bolyp, týǵan jerdiń topyraǵy buıyrmaǵan atalarǵa taǵzym etý úshin jınaqtalǵan eńbek. 

«Taǵzym» kitabyna engen barlyq maıdangerler men tyl ardagerleriniń urpaqtaryna, oblystaǵy kitaphanalar men bilim berý uıymdaryna, memlekettik mekemelerge kitap tegin taratylyp beriledi.

Mańǵystaý óńirinen Uly Otan soǵysyna 6186 adam qatysty, onyń 4942-i soǵys operasııalaryna qatyssa, 1244-i jumysshy batalonyna attandy. Osy azamattardyń úshten ekisi týǵan jerge oralmady. Maıdannan aman - esen elge oralyp, eńbek kórigin qyzdyra túsken maıdan jáne eńbek ardagerlerine myń da bir taǵzym. Olardyń  erlik shejiresi barlyq aqparat quraldary betterinde, maıdangerler estelikterinde jazylyp keledi, jazyla da bermekshi.