07 Mamyr, 2020 NEWS

Almatydaǵy Jetisý jáne Túrksib aýdandarynda UOS ardagerlerine syılyqtar tabystaldy

almaty.tv

Búgin Almatynyń Jetisý jáne Túrksib aýdandarynda turatyn 36 Uly Otan soǵysy ardagerine syılyqtar tabystaldy, dep Almaty.tv habarlaıdy.

Jergilikti ákimdik mereke kúninde osylaısha qarııalardyń kóńilin marqaıtýdy kózdegen. Al qatary kún sanap, azaıyp bara jatqan batyrlardyń aıtary bir. Biraýyzdan álemde endi soǵys bolmasyn dep tileıdi.

101 jasqa tolǵan Sofa Izmaılova soǵys jyldary hırýrg bolyp jumys istegen. Qan maıdandy kózimen kórgen órimdeı qyz eshqashan taısalmaǵanyn aıtady. Basty mindeti aýyrǵan áskerılerdi emdep jazý bolǵan.  Búgin meıram kúninde ardagerdi merekemen quttyqtap, jergilikti ákimdik ókilderi el prezıdenti men qala ákiminiń quttyqtaý hattaryn jetkizdi.

– Jetisý aýdanynda 22 myńǵa jýyq zeınetker bar. Onyń 16 adam Uly Otan soǵysy batyrlary, 1100-den asa Tyl ardagerleri, 46 Uly Otan ardageriniń jesiri bar, – dedi Túrksib aýdandyq ardagerler keńesiniń tóraıymy Tamara ShAKIROVA.

Izin ala ıgi is Túrksib aýdanynda jalǵasty. Jergilikti ákimdik búgin 20 qarııany quttyqtady. Olardyń biri – 96 jastaǵy Vasılıı Zınchenko. Barlaýshy bolǵan ardagerdiń eńbegin elep-eskerip, umytpaǵany ony qýantty.

– Jyl saıyn bul kúndi asyǵa kútemin. О́ıtkeni arqa-jarqa bolyp qalamyn. Quttyqtaýshylar sany kóbeıip, úıde erekshe kóńil-kúı ornaıdy. Men úshin Jeńis kúni degen beıbitshilikti bildiredi, – dedi Uly Otan soǵysynyń ardageri Vasılıı ZINChENKO.

Almatyda Uly otan soǵysynyń batyrlaryn osylaı ulyqtady. Árıne, bul bir kúnmen shektelmeıdi. Dese de aýdan ákimdikteri otan qorǵaýshylar kúni men uly jeńis meıramy qarsańynda arnaıy ardagerlerge baryp qaıtýdy ádetke aınaldyrǵan.

 

Ilmek sózder: Almaty Uly Otan soǵysy

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir