11 Mamyr, 2020 NEWS

Iran bir áskerı kemeni atyp teńizge batyryp jiberdi

Getty Images

Iran teńiz kúshteri bir áskerı kemeni atyp, sýǵa batyryp jiberdi, ondaǵan teńizshi qaza tapty. Bul týraly Qamshy tilshisi BBC-ge silteme jasap habarlaıdy.

Jergilikti jýrnalısterdiń málimetinshe, Iran áskerı kúshteri jańa zymyrandy synap jatqanda zymyran kemege tıgen.

Irannyń jartylaı resmı Fars agenttigi bir teńizshi qaza bolyp, birneshe adam jaralanǵanyn habarlady. Brıtanııalyq The Guardian-nyń málimeti boıynsha oqıǵadan kem degende 19 adam ólip, 15 adam jaralanǵan. Al, keıbir aqparat quraldary kemedegi 40 adam izdestirilip jatqanyn jazdy.

Áleýmettik jelilerde jarııalanǵan vıdeoda zardap shekken teńizshilerdiń jedel járdem kólikterine  jiberilgeni kórinedi.

Aıta keteıik, qańtarda Tegeranǵa jaqyn mańda Iran kúshteri ýkraınalyq jolaýshylar ushaǵyn "qatelesip atyp", borttaǵy 176 adam qaıtys bolǵan.

Ilmek sózder: Iran Keme

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir