10 Mamyr, 2020 NEWS

Pedagogterdiń shamadan tys esep berýi qalaı túbegeıli sheshilmek?

Kórneki sýret

Bilim jáne ǵylym mınıstri Ashat Aımaǵambetov mamyr aıynan bastap kúshine engen pedagogterdiń shamadan tys esep berý máselesin túbegeıli sheshetin buıryqtyń mańyzy týraly egjeı-tekjeıli túsindirip, pedagogtar mindetti toltyrýǵa tıis qujattar tizimin atady. Mınıstr málimdemesiniń tolyq mátini tómende usynylyp otyr.

"Budan bylaı muǵalimderdi shamadan tys esep berýden aryltatyn zań júzindegi negiz paıda boldy. Endi Mınıstrlik bekitken naqty tizim bar. "Pedagog mártebesi týraly" Zańǵa jáne Ákimshilik kodekske sáıkes, muǵalimderden bekitilgen tizimnen ózge qujattar boıynsha artyq esepti talap etkenderdi arnaıy organ aıyppul túrindegi ákimshilik jaýapqa tartýǵa bolady.

Ret-retimen toqtala keteıin.

BIRINShIDEN.

Endi pán muǵalimi kúndelikti eki qujatty toltyrady. Birinshisi – synyp jýrnaly, ekinshisi – sabaq jospary. Sondaı-aq oqý jylynyń basynda kúntizbelik-taqyryptyq jospardy daıyndaıdy jáne ár toqsan sońynda krıterıaldyq baǵalaý boıynsha qujattardy toltyrady. Qalǵan qujattyń esh qajeti joq.

 

Eger muǵalim jas pedagogtiń tálimgeri bolyp, sol úshin 17 myń teńgege jýyq ústemeaqy alatyn bolsa, onda jas áriptesimen birlesip atqarǵan jumysy boıynsha ádistemelik qujat toltyrady.

Eger muǵalim synyp jetekshisi bolsa, onda oqý jylynyń basynda tárbıe jumysynyń josparyn jasaıdy, ótkizilgen ata-analar jınalysy boıynsha elektrondyq formatta hattama toltyrady, oqýshylardyń tabelderin toltyrady jáne qajettiligine qaraı olardyń jeke isterin jańartyp otyrady.

Mektep basshysy men basshynyń orynbasarlary toltyratyn mańyzdy qujattardyń da naqty tizimi belgilendi, artyq qujattyń esh qajeti joq.

 

Kolledj pedagogteri toltyratyn qujattar tizimi de bekitildi. Olar jyldyń basynda jumys isteýge arnalǵan oqý baǵdarlamasyn quryp, kúntizbelik-taqyryptyq jospar jasaıdy, al kún saıyn sabaq josparyn ázirleıdi, teorııalyq, óndiristik oqytý jáne jeke sabaqtardy esepke alý jýrnaldaryn toltyrady. Eger pedagog kýratordyń qyzmetin atqarsa, taǵy bir qujat qosylady.

 

Shamadan tys esep berý kórsetkishin túbegeıli azaıtýǵa qatysty naqty jumystar mektepke deıingi jáne joǵary bilim berý deńgeıleri boıynsha da júrgizilip jatyr.

 

Joǵary oqý oryndarynyń oqytýshylary da qajetsiz qaǵaz júktemesinen arylady. Qazirgi ýaqytta BǴM tarapynan normatıvtik qujattarda kórsetilgen baqylaýdyń júrgizilýine qatysty toltyrylatyn qujattar tizimi qaıta qaralyp jatyr. Basym bóligin alyp tastaý týraly sheshim qabyldandy. Máselen, kafedranyń jumys jospary, komıssııanyń hattamasy, qyzmettik oqý jospary syndy qujattar bizge qajet emes.

 

Joǵary oqý oryndary boıynsha bólek post jazamyn.

Shamadan tys esep berýden aryltý jáne qujattama úlgilerin birizdendirý, eń aldymen, muǵalim júktemesin jeńildetedi. Onyń shyǵarmashylyqpen aınalysýyna múmkindik beredi, artyq qujat aınalymyn ońtaılandyryp, túrli qujattar arqyly aqparat jınaý sııaqty eskirgen tájirıbeden aryltady degen senimdemin.

Barlyq bilim berý uıymdarynyń nazarynda tek bilim alýshy bolýy tıis. Pedagogter barlyq jumys ýaqytyn bilim berýge, bilim sapasyn arttyrýǵa baǵyttaýy qajet jáne olardyń balalarmen jeke aınalysýǵa múmkindikteriniń bolýy mańyzdy. Sondyqtan Mınıstrlik muǵalimderdi artyq jumystan aryltý boıynsha jumys jasap jatyr.

Bul rette muǵalimderge artylǵan artyq júktemeni azaıtý boıynsha jaǵdaı jasap qana qoımaı, pedagogterden joǵary kásibı biliktilikti jáne sapaly bilim berýdi talap etetin bolamyz. Qoǵamda bilim berý sapasynyń nege aqsap turǵanyn túsindirý úshin, pedagogterdiń shamadan tys esep beretini, olardyń ózine tán emes jumystarǵa tartylýy, oqý baǵdarlamalary men oqýlyqtardaǵy olqylyqtar týraly jáne taǵy sol sııaqty máseleler aıtylady.

Biraq bul problemanyń barlyǵy sheshilip jatyr jáne budan bylaı da sheshimin taba beredi.

 

Degenmen, bilim sapasy, eń aldymen, muǵalimderdiń biliktiligine tikeleı baılanysty. Sol sebepti, pedagog únemi ózin-ózi jetildirip, kásibı deńgeıin arttyryp otyrýy kerek.

 

EKINShIDEN.
Jaýapkershilikke tartýǵa kimniń quzyreti bar?

 

Pedagogterdi kásibı mindetterine kirmeıtin jumys túrlerine tartý, olardan qyzmettik mindetine kirmeıtin máseleler boıynsha aqparat nemese esep talap etý faktileri boıynsha aryz túsken jaǵdaıda, QR BǴM Bilim berý sapasyn qamtamasyz etý jónindegi komıtetiniń aýmaqtyq departamentteri QSjAEK organdarynda jospardan tys tekserýdi tirkeıdi. Tekserýdi uıymǵa baryp nemese qashyqtan júrgizedi.

 

Quqyq buzýshylyq faktisin dáleldeıtin materıaldar:

–​ pedagogterdiń kásibı qyzmetine qatysy joq jumys túrlerine tartylǵanyn rastaıtyn foto jáne beınejazbalar, hattardyń, buıryqtardyń, aktilerdiń, hattamalardyń kóshirmeleri nemese basqa da materıaldar;

– ​jazbasha tapsyrmalar nemese olardyń kóshirmeleri, buıryqtardyń kóshirmeleri, esep berý nysandarynyń kóshirmeleri men pedagogten bilim berý salasyndaǵy Qazaqstan Respýblıkasynyń zańnamasynda kózdelmegen eseptiliktiń nemese aqparattyń talap etilýin rastaıtyn basqa da materıaldar;

–​ Qazaqstan Respýblıkasynyń zańdarynda kózdelmegen tekserýdiń júrgizilgenin rastaıtyn foto nemese beınejazbalary, kúni, tekserýshi tulǵalardyń aty-jóni, tekserýdiń máni jáne basqa da materıaldar;

– ​taýardyń nemese kórsetiletin qyzmettiń foto nemese beınejazbasy, sondaı-aq satyp alý rásimderi, chekteri, taýarlyq shottar, shot-faktýralar, túbirtekter men basqa da materıaldar;

– mektep uıymdastyrmaǵan ​is-sharalarǵa qatysqanyn rastaıtyn foto nemese beınejazba, hattardyń, buıryqtardyń, aktilerdiń, hattamalardyń kóshirmeleri nemese pedagogtiń is-sharalarǵa jiberilgenin rastaıtyn basqa da materıaldar buzýshylyq jasaý faktisin dáleldeıdi.

Eger alǵash ret buzýshylyq jasaǵan adam kinásin moıyndasa, Komıtet jáne onyń aýmaqtyq organy ákimshilik quqyq buzýshylyq týraly hattama toltyrmaıdy, biraq kináli adamǵa eskertý jasaý týraly qaýly shyǵarady. Buzýshylyqqa qaıta jol bergen adamǵa qatysty ákimshilik quqyq buzýshylyq týraly hattama toltyrylady jáne ákimshilik aıyppul salynady. Onyń kólemi 20-dan 120 AEK-ke deıina
a
Ilmek sózder: pedagog mártebesi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir