Kórneki sýret
Almaty ákimdigi Abaı atyndaǵy opera jáne balet teatrymen birlesip, soǵys jyldaryndaǵy ánderdi balkonnan oryndaý fleshmobyn iske qosty.
Almaty ákimdigi Abaı atyndaǵy Qazaq memlekettik akademııalyq opera jáne balet teatrymen birlesip, Uly Jeńistiń 75 jyldyǵyna oraı birqatar mádenı is-sharalar ótkizedi. Bul rette barlyq is-shara eldegi tótenshe jaǵdaı rejımin eskere otyryp, adamdardyń jappaı jınalýynsyz ótedi.
9 mamyr qarsańynda áskerı ánderdi turǵyn úılerdiń balkondarynda turyp oryndaý fleshmoby iske qosyldy. Barlyq konserttik nómirler beınekadrǵa túsirilip, odan ári áleýmettik jelilerge ornalastyrý úshin fılm-konsertke biriktiriledi.
Konsertke teatrdyń jetekshi solısteri qatysady:
– halyqaralyq konkýrstardyń laýreaty, T. Júrgenov atyndaǵy Qazaq Ulttyq óner akademııasynyń vokaldan dáris beretin oqytýshysy Aıdos Jabaǵın «Jeńis kúni» ánin oryndady;
– Abaı teatrynyń solısi Dýlat Toqanov sahnalas áriptesterimen birge «V boı ıdýt odnı starıkı» fılminen «Smýglıanka» ánin shyrqady»;
– solıst Lázzat Birimǵazına birneshe urpaqqa jalǵasyp kele jatqan «Katıýsha» ánin qazaq jáne orys tilderinde oryndady.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir