almaty.gov.kz
9 mamyr – Jeńis kúni qarsańynda almatylyq oqýshylar reseılik zamandastarymen birlesip mýzykalyq klıp jazdy. Aıtýly merekemen quttyqtaýdyń bul formaty elderdegi koronavırýstyq ınfeksııanyń taralyp otyrǵan syn saǵatynda tańdalǵan ońtaıly qadam bolyp otyr.
Sonymen, Almaty qalasyndaǵy M. Mámetova atyndaǵy №28 mekteptiń I. V. Panfılov atyndaǵy №54 Qazaq – Reseı mamandandyrylǵan mektep-lıseıiniń jáne B.Momyshuly atyndaǵy №131 mektep-lıseıdiń oqýshylary men olardyń Volokolamsk qalasyndaǵy (Reseı) qurbylary tilek, nıet biriktirip, M. Bernestiń «Jýravlı» ánine klıp jazdy. Mýzykalyq jobada qazaqstandyq jáne reseılik kınofılmderden soǵys týraly kadrlar paıdalanylǵan.
Jas oryndaýshylar arasynda ár túrli halyqaralyq baıqaýlardyń laýreattary men júldegerleri bar. Bul án kezdeısoq tańdalmaǵan. Tanymal kompozısııa kórermenderdiń jan dúnıesin eljiretip, maıdan dalasyndaǵy surapyl shaıqastardy kóz aldaryna ákeledi. Kók aspan tórindegi alysqa ushyp bara jatqan tyrnalar soǵystan qaıtpaı qalǵan sarbazdardy beıneleıdi.
Sonymen qatar, M. Mámetova atyndaǵy №28 mektep-lıseıiniń 1-11 synyp oqýshylary ata-analarymen birge «Uly dala batyrlary» aksııasyna ún qosty.
Olar Uly Otan soǵysyna qatysqan ózderiniń atalary týraly áńgimeleıtin beınerolıkter serııasyn jasap, barlyq ardagerdi Uly Jeńistiń 75 jyldyǵymen quttyqtady.
Osy oraıda aıta keteıik, koronavırýs pandemııasy kezinde kóptegen oqýshylar úıde qarap otyrmaı, Uly Jeńistiń mereıtoıyna arnalǵan osyndaı baıqaýlarǵa, chellendjderge, aksııalarǵa qashyqtan belsendi túrde atsalysýda.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir