• USD 468.56

  • EUR 497.56

  • RUB 7.3

  • CNY 67.18

28 Naýryz, 13:27:43
Almaty
+35°

Jeńis syılaǵan batyrlarǵa qurmet árdaıym kórsetilýge tıis.  200 myń som nemese 8 tank. Surapyl soǵysqa bara almaǵan tyl eńbekkeri Esenǵabyl Baımendıev jaýǵa qarsy shaıqasqan jaýyngerlerge osylaısha qoldaý jasaǵan. Bul týraly almaty.tv habarlady.

Onyń patrıottyq isin Stalınniń ózi joǵary baǵalap, arnaıy telegramma jibergen. Búginde tyl ardageriniń bul qaıyrymdy qadamyn balalary aıtyp, maqtanady.

Qarapaıym halyqty qara tuman basqan sol bir 1941 jyly er azamattardy jasyna qaramaı, lek-legimen urys dalasyna áketip jatty. Esenǵabyl Baımendıev ol kezde Maqtaaral aýdanyndaǵy Andreev kolhozynyń tóraǵasy bolyp jumys istedi. Soǵysqa attanyp, shaıqasamyn dep aýdandyq áskerı komısarıatqa birneshe márte barady. Alaıda sol bir sum ári sýyq kezde tylda da eńbek maıdany qyza tústi.

– Basynda soǵysqa almaı, partııa keri qaıtarǵan eken. О́zbekstanda Syrdarııa degen stansııa bar. Sonda poıyzǵa mingizeıin dep jatqanda, kelip mashınamenen bizdiń ákemizdi, taǵy bir-eki adamdy qaıtyp alyp ketti. Sóıtip jumys istetken, – dedi tyl ardageri E. Baımendıevtiń uly Toqtar BAIMENDIEV.

Osylaısha Esenǵabyl ata elde qalyp, aıanbaı eńbek etedi. Soǵys órti laýlaı túsken tusta, ásirese mal shyǵynyna jol bermeý baǵytynda jumys isteıdi. Mal ónimderin kóbeıtedi. Al maıdan dalasyna baryp, jaýmen shaıqasa almaǵandyqtan, baǵyp otyrǵan barlyq tórt túligin satyp, odan shyqqan 200 myń somyn soǵysqa joldaıdy. Bul aqshaǵa Qyzyl ásker 8 tank alǵan eken. Esenǵabyl atanyń osy patrıottyq isi sol kezdegi gazetterde jazylady. Jomarttyǵyn tipti Stalınniń ózi baǵalap, arnaıy telegramma jiberedi.    

– 1943 jyly maıdanǵa jurttar janyn aıamaǵanda men neǵyp aıaımyn dep úıdegi maldyń bárin satyp,  qorjyndy bir qap  aqshaǵa toltyryp, 30 shaqyrym jerge aparyp tapsyrdyq deıdi. 1944 jyly hat kelgen ol jaqtan. «Aǵa, sizdiń bergen tankilerińizben Berlınǵa bara jatyrmyz, Gıtlerdi  joıamyz» dep jazylǵan. Ol hatty joǵaltyp alyp, keıin maǵan  osyndaı hat  baryn aıtqan edi.  Keıin Stalınnan alǵys hat keldi. Soǵysqa osylaı kómektesken, – dedi tyl ardageri E. Baımendıevtiń uly Toqtar BAIMENDIEV.

Soǵystan keıin Esenǵabyl Baımendıev zań mektebin támámdap, Keles aýdany Abaı aýylyndaǵy sotta 5 jyldaı eńbek etti. Keıin qaıtyp kolhoz tóraǵasy qyzmetine oralyp, zeınetke deıin jumys istegen. Ardager 80 jasqa kelgende ómirden ozǵan. Endi onyń erligin artynda qalǵan eki balasy balalary men nemere-shóberelerine aıtyp otyr.  

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir