Jeńis kúniniń 75 jyldyǵyna oraı Qamshy tilshisi Almaty qalasyndaǵy birneshe soǵys ardagerine habarlasyp, ataýly kúnmen quttyqtady. Solardyń biri Qashaǵanov Nurtaıdyń qyzy ákesiniń jaǵdaıy jaqsy ekenin, erligi eleýsiz qalmaǵanyn aıtty. 

Qashaǵanov Nurtaı 1926 jyly 15 mamyrda Almaty oblysy Panfılov aýdany Shoraly aýylynda dúnıege kelgen. 1932-1936 jyldar aralyǵynda Shoraly aýylyndaǵy bastaýysh synypty, keıin ınternatta 7-synypty bitirip shyǵady. Otbasylyq jaǵdaılarǵa baılanysty 7-synyptan keıin oqýyn jalǵastyra almaı, eńbekke erte jastan aralasady. Soǵys bastalǵan jyly ol aýylda qara jumys istep júrgen.

1943 jyly ásker qataryna qosylýǵa ótinish beredi. Keıin Petropavl qalasynda kishi serjanttardy daıyndaıtyn arnaıy mektepke qabyldanady. Mektepti eń qysqa merzimde aıaqtap, 1943 jyldyń qarasha aıynda soǵysqa attanady.

Ol birinshi  jáne ekinshi Belarýs maıdanyna qatysqan. Soǵysta kórsetken erligi úshin Qyzyl juldyz ordenimen nagradtalady. 1944 jyldary Baltyq respýblıkalaryn azat etýge qatysady.

Jeńis kúni ol qazirgi Sankt-Peterbýrg burynǵy Lenınograd qalasynda aýrýhanada bolǵan. Keıin 1946 jyly elge oralady.

1950-1953 jyldary Almaty qalasyndaǵy Panfılov pedogogtıkalyq ýchılıshesinde oqıdy. Keıin Shoraly aýylyndaǵy mektepterdiń birinde muǵalim bolyp qyzmet atqarady. Kóp jyldar bastaýysh synyp muǵalimi bolǵannan keıin, 1959-1964 jyldar aralyǵynda Almaty qalasyndaǵy Qazaq memlekettik ýnıversıtetiniń tarıh fakýltetine oqıdy. Oqýdy aıaqtaǵannan keıin Shoraly aýylyndaǵy mektepte ustazdyq qyzmetin jalǵastyrady.  

– Ákemniń erligi eleýsiz qalyp jatqan joq. Elbasynyń jyl saıynǵy quttyqtaýlary da áli kúnge deıin saqtaýly. Keshe de Áýezov aýdanynyń ákimi prezıdentimiz Qasym-Jomart Toqaev pen Almaty qalasynyń ákimi Baqytjan Saǵyntaevtyń arnaıy quttyqtaý qaǵazyn úıge kelip tabys etti. Ákem qazir 94 jasta. Búkil qazaqstandyqtardy, almatylyqtardy Jeńistiń 75 jyldyǵymen quttyqtaımyn. Bizdiń ákelerimiz ben atalarymyzdyń biz úshin, qazirgi beıbit ómir úshin óz janyn qurban etti. Beıbit kúnniń qadirin bileıik. Keleshegimizdiń jarqyn bolýyn tileımin, – deıdi Qashaǵanova Beıbit Nurtaıqyzy.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir