08 Mamyr, 2020 NEWS

Almatydan Maqtaaral aýdanyna 70 tonna gýmanıtarlyq kómek jiberildi

qamshy.kz

Almaty qalasynan Túrkistan oblysynyń Maqtaaral aýdanyna júk kólikterimen gýmanıtarlyq kómek jiberildi, dep Qamshy.kz aqparat agenttigi habarlaıdy.

QR Prezıdenti Qasym-Jomart Toqaevtyń buıryǵymen sý tasqynynan zardap shekken halyqqa jan-jaqty kómek kórsetilýde.

Sońǵy kúnderi Maqtaaral jáne Jetisaı aýdandarynyń eldi-mekenderi apat saldarynan naǵyz soǵys maıdanyna aınaldy.
 
Almaty qalasynyń ákimi, «Nur Otan» partııasynyń qalalyq fılıalynyń tóraǵasy Baqytjan Saǵyntaevtyń buıryǵymen sońǵy kúnderi biraz gýmanıtarlyq kómek jınaldy. Bul  bastamaǵa partııanyń depýtattyq fraksııa músheleri – depýtattar, qatardaǵy partııa músheleri qarjylaı qoldaý bildirip, kómektesip jatyr.

Elbasymyzdyń bastamasymen bastalǵan BizBirgemiz aksııasy aıasynda Almaty qalasy ákimdigi men partııanyń Almaty qalalyq fılıaly tarapynan Túrkistan oblysynda zardap shekken azamattarǵa 70 tonnadan astam gýmanıtarlyq kómek, sonyń ishinde kıim-keshek, tósek oryndar,  azyq-túlik, gıgıenalyq quraldar, un jáne t. b. zattar jóneltildi.

Sonymen qatar "Jas Otan" eriktileri evakýasııalaý pýnktteri men azyq-túlik, kıim-keshek, tósek oryndary, gıgıenalyq quraldaryn taratý jumystaryna qatysady.

Az ýaqyttyń ishinde kóptegen almatylyqtar, sonyń ishinde "Nur Otan" partııasynyń músheleri jáne beı-jaı qaramaıtyn turǵyndar shaqyrýǵa ún qatty.

Qaıyrymdyq qyzmet ashyqtyq, aıqyndyq pen esep berýdi talap etedi. Osy talaptardy basshylyqqa ala otyryp kómek kórsetken azamattar men mekemelerdiń tizimi daıyndaldy.
 
Atap aıtsaq «Jańa Alataý» qory, «Metall Prom», «Kazlegprom-Almaty» jaýapkershiligi shekteýli seriktestikteri, «Eır Astana» Aksıonerlik qoǵamy, kásipkerler, partııa múshesi Muhtar Zýleev, qalalyq máslıhat depýtaty Erbolat Qasymov jáne t. b bar.

 

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir