Qazaqstanda taǵy 112 adamnan COVID-19 anyqtaldy

Densaýlyq saqtaý mınıstrligi elde taǵy 112 adamnyń koronavırýs juqtyrǵanyn, 1 adamnyń qaıtys bolǵanyn habarlady.

Koronavırýstyń Qazaqstanda anyqtalǵan jalpy deregi 4690 jetti. Onyń ishinde 1518 adam aýrýdan aıyǵyp shyqsa, 31 adam qaıtys bolǵan.

Vırýs juqtyrǵannyń saldarynan kóz jumǵan sońǵy naýqas 1963 jyly Pavlodar oblysynda dúnıege kelgen. Pavlodar qalasynyń 57 jastaǵy turǵynynan COVID-19 sáýir aıynyń 23-i kúni tabylǵan.

Ol bronhıtpen aýyryp, 2-tıpti qant dıabetimen esepte turǵan. 26 sáýirde jaǵdaıynyń nasharlaýyna baılanysty er adam juqpaly gospıtaldiń reanımasııalyq bólimine aýystyryldy. 29 sáýirde er adamda tynys alý jetispeýshiligi údeı túsip, arnaıy apparatqa qosyldy.

2 mamyrda naýqastyń jaǵdaıy kúrt nasharlap, 6 mamyr kúni qaıtys boldy.