Sýret avtory: J.Quspanov
Májilis Tóraǵasy Nurlan Nyǵmatýlın qazaqstandyqtardy Otan qorǵaýshylar kúnimen quttyqtap, bul erlik pen patrıotızm merekesi elimizde erekshe qurmetpen atap ótiletinin aıtty.
– Uly Otan soǵysy jyldarynda beıbitshilikti qorǵaǵan ardagerlerimizge, basqa elderde óziniń ınternasıonaldyq boryshyn oryndaǵan jaýyngerlerge, BUU bitimgershilik mıssııalaryna qatysýshy áskerı qyzmetshilerge shynaıy alǵysymyzdy bildiremiz.
Búginde júzdegen myń qazaqstandyq elimizdiń barlyq halqynyń tynyshtyǵy men ál-aýqatyn qamtamasyz ete otyryp, áskerı bólimshelerde laıyqty qyzmet atqarýda.
Qazaqstannyń Tuńǵysh Prezıdenti – Elbasy Nursultan Ábishuly Nazarbaevtyń bastamasymen Táýelsizdik alǵan jyldardan bastap, elimizdiń Qarýly kúshteri nyǵaıyp, búginde ol ulttyq múddeniń senimdi qorǵaýshysy jáne halyqaralyq qaýipsizdiktiń jahandyq júıesiniń negizgi bóligine aınaldy, – dedi Májilis Tóraǵasy.
Sonymen qatar, Nurlan Nyǵmatýlın Qazaqstannyń bitimgershilik jáne jaýyngerlik áleýetin damytý, kez kelgen qaýip-qaterlerge qarsy turý qabileti Memleket Basshysy Qasym-Jomart Kemeluly Toqaevtyń saıasatynyń mańyzdy baǵyty bolyp tabylatynyn atap ótti.
Májilis Tóraǵasy barlyq qazaqstandyqtarǵa myqty densaýlyq, baqyt jáne amandyq tiledi.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir