Elimizdegi árbir áýletke óziniń qaıǵyly izin qaldyrǵan 1941-1945 jyldardaǵy sum soǵystaǵy jeńiske bıyl 75 jyl. Qan maıdanǵa 1 mln 200 myńnan astam otandasymyz attanyp, sonyń jartyǵy ǵana úıine oraldy. Jeńisti jaqyndatýǵa súbeli úles qosyp, keýdesin oqqa tosqan ardagerlerdiń biri – Dúısen Ospanov.

Ol 1923 jyly Jambyl oblysy Lýgovoı aýdanynda dúnıege kelgen. 1941 jyly Lýgovoı aýdandyq áskerı komıssarıatynan soǵysqa attanǵanda jasy 18-ge endi tolǵan edi. Maıdanger jaspyn demesten qolyna qarý alyp, otanyn qorǵaýǵa esh oılanbastan kete bardy.

 

Dúısen Ospanov 68-ásker 192-dıvızııa 490-jeke polk sapynda kishi komandır, kishi serjant retinde Belorýssııa jerindegi keskilesken urystarǵa aralasyp, 50 mıllımetr kalıbrlik mınomentpen quralaıdy kózge atqan mergenderdiń biri atandy.

 

1943 jyly Belorýssııa jeri Smolensk oblysyndaǵy urysta jaralanyp, elge qaıtty. Otanyna oralysymen ózi týyp-ósken Lýgovoı aýdanynda túrli qyzmetterde jemisti eńbek etti. Kommýnıstik partııaǵa ótip, qalǵan ǵumyryn týǵan jerinde adal qyzmet qylýǵa arnady.

a

 

1944-1949 jyldary aýdandyq eńbekshi keńesinde kadr bólimi meńgerýshisiniń hatshysy, 1949-1955 jyldar aralyǵynda Lýgovoı aýyldyq eńbekshi keńesiniń tóraǵasy, 1955-1958 jyldary partııanyń Lýgovoı aýdandyq komıtetiniń nusqaýshysy, 1959-1963 jyldary Lýgovoı aýdandyq áleýmettik qamtý bóliminiń meńgerýshisi, 1963-1964 jyldary Shý qalalyq áleýmettik qamtý bóliminiń meńgerýshisi, 1966 jyldan Lýgovoı aýdanynda ekonomıst qyzmetterin atqarǵan.

 

Ardagerdiń maıdandaǵy erligi laıyqty baǵalanyp, túrli marapattar berilgen. Solardyń biri – "Uly otan soǵysyna qatysqany úshin" medali.

Qan maıdandaǵy jeńisti Dúısen Ospanovtaı maıdangerlerdiń qaısarlyǵy men erligi, otansúıgishtigi men batyrlyǵy jaqyndatty. Olardyń jaýyngerlik joly men ǵıbratty ǵumyry búgingi urpaqqa árqashan úlgi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir