Memleket basshysy Qasym-Jomart Toqaevtyń Jarlyǵymen birqatar áskerı jáne quqyq qorǵaý salasynyń qyzmetkerleri memlekettik nagradalarmen marapattaldy. Bul týraly Aqorda habarlady.

Otan qorǵaýshylar kúni qarsańynda Qazaqstan Prezıdenti Qasym-Jomart Toqaevtyń Jarlyǵymen áskerı jáne qyzmettik boryshyn atqarý kezinde, adam ómirin saqtap qalý úshin batyldyq pen janqııarlyq kórsetken,  sondaı-aq, eldiń ulttyq qaýipsizdigi men qorǵanys qabiletin qamtamasyz etýge, zańdylyqty jáne qoǵamdyq tártipti saqtaýǵa eleýli úles qosqan áskerı qyzmetshiler men quqyq qorǵaý jáne arnaıy memlekettik organdardyń qyzmetkerleri Qazaqstan Respýblıkasynyń memlekettik nagradalarymen marapattaldy.

Olardyń ishinde:

I dárejeli «Dańq» ordenimen – QR Bas Prokýrorynyń orynbasary Marat Ahmetjanov;

II dárejeli «Dańq» ordenimen – QR Ishki ister mınıstriniń birinshi orynbasary Marat Qojaev;

II dárejeli «Aıbyn» ordenimen – QR Ishki ister mınıstrliginiń departament bastyǵy Sanjar Ádilov, QR Memlekettik kúzet qyzmetiniń Prezıdent kúzet qyzmeti bastyǵynyń orynbasary Sáken Isabekov, QR Qorǵanys mınıstrligi bólim komandıriniń orynbasary – 14776 áskerı bólimi ortalyǵynyń bastyǵy Rahat Qarsembaev, QR Qorǵanys mınıstrligi Bas ınspeksııasy áskerlerdiń jaýyngerlik jáne jumyldyrý ázirligi men daıarlyǵy ınspeksııalyq basqarmasynyń bastyǵy – Bas ınspeksııa bastyǵynyń orynbasary Tóleýqan Nurqanov, QR Ulttyq qaýipsizdik komıtetiniń basqarma bastyǵy Aleksandr Penkov;

III dárejeli «Aıbyn» ordenimen – Memlekettik kúzet qyzmeti Aıryqsha maqsattaǵy kúshteriniń «Aıbyn» Prezıdenttik polkiniń 1-sanatty mamany Ǵalymjan Álıev;

«Qurmet» ordenimen – QR Ulttyq qaýipsizdik komıteti Úkimettik baılanys qyzmetiniń dırektory Tamerlan Jumaǵalıev;

«Erligi úshin» medalimen – QR Sybaılas jemqorlyqqa qarsy is-qımyl agenttigi (Sybaılas jemqorlyqqa qarsy qyzmettiń) asa mańyzdy ister jónindegi ofıseri Aıdos Besjanov, Ishki ister mınıstrligi Nur-Sultan qalasy polısııa departamentiniń Saryarqa aýdandyq polısııa basqarmasynyń ýchaskelik ınspektory Erlan Jańabaev, QR Qarjy mınıstrligi Qarjy monıtorıngi komıteti Jedel departamentiniń aǵa jedel ýákili Mıras Qurbanov, QR Ishki ister mınıstrligi Nur-Sultan qalasynyń tótenshe jaǵdaılar departamentiniń О́rt sóndirý jáne apattyq-qutqarý jumystary qyzmeti №17 órt sóndirý bóliminiń bólimshe komandıri Sergeı Mazýr;

«Jaýyngerlik erligi úshin» medalimen  – QR Qorǵanys mınıstrligi kadrlar departamentiniń ofıseri Sholpan Taýyshova, QR Qorǵanys mınıstrligi 44813 áskerı bólimi S-300 zenıttik zymyran dıvızıonynyń komandıri Aleksandr Tomılın marapattaldy.

Barlyǵy 45 adam ordendermen, 53 adam medaldarmen jáne 3 adam Qazaqstan Respýblıkasynyń Qurmet gramotalarymen marapattaldy. 

 

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir