«Halyqtyń qýaty – birlikte!» — etno-mádenı birlestikter músheleri 1 mamyr Qazaqstan halqynyń birligi kúni merekesimen quttyqtaýda. Bul týraly qala ákimdiginiń baspasóz qyzmeti habarlady.

Bul jóninde Almaty qalasy óńirlik kommýnıkasııalar qyzmetiniń alańynda ótken onlaın brıfıngte Nurııa NIIаZOVA, Almaty qalasy QHA janyndaǵy Analar keńesiniń tóraıymy, Almaty qalasy máslıhatynyń depýtaty, «ILDASh» tatar gýmanıtarlyq damý ortalyǵynyń tóraıymy almatylyqtardy alda kele jatqan memlekettik merekemen quttyqtady.

– Qurmetti almatylyqtar, mine, bıyl 25-jyl, 1 mamyr merekesin – Qazaqstan halqynyń birligi retinde atap ótip kelemiz. Biraq, bıylǵy merekeni biz tótenshe jaǵdaı rejıminde – karantın jaǵdaıynda karsy alǵaly otyrmyz. Desekte, ár sáttiń ózindik qýanyshy, qyzyǵy bar. Bul jolǵy mereke bizdiń óz otbasymyzǵa kóńil bólýimizben erekleshenedi. Halyqtyń qýaty – onyń birliginde! Endeshe, elimizde bolyp jatqan ýaqytsha qıyndyqty biz birligimiz ben yntymaǵymyzdyń arqasynda jeńip shyǵatynymyzǵa senimimiz mol, – dedi ol.

2014 jyldyń aqpan aıynda Qazaqstan halqy Assambleıasy janynan óte – «Analar keńesi» qurylǵan bolatyn. «Bir qolymen, besikti, bir qolymen álemdi terbetetin» áıel-analar QHA alańynda da belsendi jumys istedi.

– Bul uıym júrekteri balalarǵa degen súıispenshilikke toly, jer betinde ómir syılaıtyn, sodan keıin bizdiń qoǵamymyzdyń azamaty bolatyn bolashaq tulǵany tárbıeleý úshin tolyq jaýapty bolatyn analardyń basyn biriktirdi. Sondyqtan, búgingideı syn saǵatta QHA, etno-mádenı birlestikter, qoǵamdyq kelisim keńesi, Analar keńesi birigip, kómekke muqtaj jandarǵa qolushyn berip keledi, – dedi N. Nııazova.

Sonymen birge, onyń aıtýynsha, qazirgi tańda etnomádenı birlestikterdiń jastary azyq-túlik sebetin, maskalar men dezınfeksııalaý quraldaryn muqtaj jandarǵa jetkizip berýde, memlekettik kómek boıynsha áleýmettik tólemderdi sheshý boıynsha keńes berý sekildi jumystarmen aınalysyp jatyr.

– Bizdiń etnomádenı birlestikterdiń tóraǵalary QHA qurýda uıytqy bolǵan azamattar. Kezinde olardyń birazy jastar qanatynda jumys istedi. Endi búgin urpaqtar sabaqtastyǵy boıynsha ózderiniń etno-mádenı ortalyqtaryna basshylyq jasaýda. Eń bastysy, olar óz zamandastaryna, árıne, óz balalaryna baqytty otbasyn qurýdyń úlgisin kórsetip otyr. Birlik pen yntymaqtyń úlgisi, bul búgingi tańda Qazaqstan júrip jatqan jasampazdyqtyń joly!, – dep atap ótti ol.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir