• USD 468.56

  • EUR 497.56

  • RUB 7.3

  • CNY 67.18

28 Naýryz, 12:39:29
Almaty
+35°

Túrkistan oblysynyń О́ńirlik kommýnıkasııalar qyzmeti

Túrkistan oblystyq máslıhatynyń jáne barlyq aýdandyq, qalalyq máslıhattardyń depýtattary «Nur Otan» partııasynyń «Biz birgemiz» respýblıkalyq aksııasy aıasynda sý tasqynynan zardap shekken Maqtaaral aýdanynyń turǵyndaryna 7 birdeı júk kóligine tıelgen gýmanıtarlyq kómek jóneltti. Bul qaıyrymdylyq sharasyn uıymdastyrýǵa Túrkistan oblystyq máslıhatynyń hatshysy Qaırat Balabıevtiń ózi uıytqy bolǵanyn aıta ketý kerek.

Atalǵan kerýendi shyǵaryp salý sharasyna oblys ákimi О́mirzaq Shókeev arnaıy qatysyp, osyndaı qysyl-taıań ýaqytta maqtaaraldyqtarǵa kómek qolyn sozǵan azamattarǵa alǵysyn bildirdi. Ol sondaı-aq búgingi tańda Maqtaaral aýdanynda tasqyn sýdyń betin qaıtarý boıynsha atqarylyp jatqan jumystardy baıandady.

«Apat aıtyp kelmeıdi. Maqtaaral aýdanynda dál qazirgi ýaqytta qaýiptiń beti qaıta bastady. Atalǵan aýdan da myńǵa jýyq maman jumys istep jatyr. 3,5 myńnan astam turǵyn evakýasııa oryndaryna jaıǵastyrylǵan. Olarǵa biz barlyq tıisti kómekterdi kórsetýimiz qajet. Osy rette eldiń sonyń ishinde depýtattardyń osyndaı bastama kóterip, halyqqa bolysýy kóńil qýantady. Eń bastysy – halyqqa sabyr men tózimdilik qajet. Aldaǵy ýaqytta tasqyn sýdan kelgen shyǵyndar tolyq eseptelip, jańa úıler boı kóterip, joldar jóndelip qalypty ómir bastalatynyna senimdimiz», – dedi О́mirzaq Estaıuly.

f

Aıta keteıik, jalpy sommasy 21 mln. teńge bolatyn kerýeninde azyq-túlik taýarlarynan bólek, kıim-keshek, jeke bas gıgıenasyna arnalǵan taýarlar da jetkilikti. Iаǵnı, kerýende 11,7 tonna un, 2,9 tonna kúrish, 3,6 tonna qant, 2,8 tonna makaron, 1,5 tonna et, 900 keli jýyq sút ónimderi, 2,8 tonna kartop, 1,7 tonna pııaz, 1,3 tonna sábiz jáne taǵy basqa da azyq-túlik ónimderi bar.

Atalǵan kerýen túsaýa Maqtaaral aýdany Atakent kentinde ornalasqan arnaıy qoımaǵa kelip jetedi dep kútilýde.

Túrkistan oblysynyń О́ńirlik kommýnıkasııalar qyzmeti

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir