05 Mamyr, 2020 NEWS
instagram.com
Bul týraly Nur Otan partııasy Tóraǵasynyń birinshi orynbasary Baýyrjan Baıbek Instagram jelisindegi paraqshasynda aıtty.
«Qurmetti dostar! О́zderińizge málim, kórshiles О́zbekstanda sý qoımasy bógetiniń buzylýy saldarynan Túrkistan oblysy Maqtaral aýdanynyń eldimekenderin sý basyp, 30 myńnan astam turǵyn evakýasııalandy.
Memleket basshysy Qasym-Jomart Toqaev úkimettik komıssııaǵa tez arada turǵyn úıler men ınfraqurylymdy qalpyna keltirý, turǵyndarǵa áleýmettik kómek kórsetý jumystaryn júrgizýdi tapsyrdy.
Tótenshe jaǵdaı oryn alǵan alǵashqy kúnnen bastap «Nur Otan» budan syrt qalmady. Partııa fılıaly men músheleri zardap shekken turǵyndarǵa barynsha kómek kórsetýde.
Búgin partııanyń Ortalyq apparaty elordadan Túrkistan oblysyna 40 tonnadan astam gýmanıtarlyq kómek, onyń ishinde azyq-túlik pen birinshi kezekte qajet taýarlardy jóneltti. Sý tasqyny bolǵan jerde tikeleı «Jas Otan» volonterlarynan shtab quryldy. Olar zardap shekken turǵyndarǵa júkti úlestirip berýge atsalysady» - dep jazdy Baýyrjan Baıbek.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir