Ashyq derekkóz
Túrkistan oblysynyń eldi mekenderin sý basýǵa qatysty ózbek tarapyna QR Syrtqy ister mınıstrligi narazylyq notasyn jibermeıdi. Bul týraly QR SIM-niń resmı ókili Aıbek Smadııarov aıtty.
«О́zbekstan Respýblıkasy aýmaǵyndaǵy Sardoba sý qoımasy bógetiniń buzylýy jáne onyń saldarynan Túrkistan oblysynyń birqatar eldi mekenderin sý basý boıynsha jaǵdaı bizdiń Úkimettiń erekshe baqylaýynda. 2 mamyrda Qazaqstan prezıdenti Qasym-Jomart Toqaev О́zbekstan prezıdenti Shavkat Mırzııoevpen telefon arqyly sóıleskeni jáne suhbat barysynda taraptar oryn alǵan jaǵdaıdy naqty talqylap, eki el úkimeti úılesimdi jumys atqaratyny týraly ýaǵdalasqany málim. Sý basý saldaryn birlesip joıý boıynsha úkimet pen shekaralas óńirler basshylarynyń tyǵyz ózara is-qımylyn nazarǵa ala otyryp, ózbek tarapyna QR Syrtqy ister mınıstrliginiń notasyn joldaý máselesi qarastyrylmaıdy», - dedi Aıbek Smadııarov.
Resmı ókildiń aıtýynsha, Túrkistan oblysynyń ákimi О́mirzaq Shókeev О́zbekstannyń kórshiles óńirlerine jedel túrde sapar jasaǵan. О́zbek tarapymen qajetti kelissózder júrgizip, onyń qorytyndylary týraly Úkimettiń búgingi otyrysynda baıandady.
«О́zderińizge málim, premer-mınıstrdiń orynbasary Roman Sklıar bastaǵan Úkimettik komıssııa quryldy. Erteń ol Túrkistan oblysy men О́zbekstanǵa birlesken is-qımyl algorıtmin pysyqtaý úshin barady. Eki taraptyń barlyq baılanystary tolyqtaı Máńgilik dostyq jáne strategııalyq áriptestik týraly sharttardyń jáne transshekaralyq sý aǵyndary men halyqaralyq kólderdi qorǵaý jáne paıdalaný jónindegi konvensııanyń normalaryna sáıkes júzege asyrylady», - dedi SIM ókili.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir