Úkimettiń selektorlyq otyrysynda Túrkistan oblysynyń ákimi О́mirzaq Shókeev oblysta áli de 7 eldimekende sý basý qaýpi joǵary ekenin aıtty, dep habarlady Túrkistan oblysy ákiminiń baspasóz qyzmeti.

Málimdemege sáıkes, búgingi tańda, jalpy 31 606 turǵyn 14 eldi mekennen evakýasııalandy. Onyń ishinde: 6 127 turǵyny bar 5 eldimekendi sý basqan (Jeńis, Jańaturmys, Ferdaýsı, О́rgebas jáne Dostyq), 7 eldimekende sý basý qaýpi áli de joǵary, al 2 eldi (Myrzakent, Aqjol) mekenderdiń turǵyndary óz úı-jaılaryna qaıta oralyp, jaıǵasýda.

Avarııalyq-qutqarý jumystaryn júrgizý úshin 986 adam, 10 dana júzý qurylǵysy, 180 dana tehnıka jumyldyryldy.

Sonymen qatar, Qyzylorda, Jambyl oblystary men Shymkent qalasynan 30 ónimdiligi joǵary sý jınaǵysh sorap kelýde.

Budan bólek, Qazaqstan Respýblıkasy Ulttyq Ulanynyń áskerı bóliminen 413 áskerı qyzmetker men 37 dana tehnıka tartyldy. Qosymsha Almaty qalasynan QR Ulttyq Ulanynyń qutqarý batalonynan 320 áskerı qyzmetker men 26 dana tehnıka kelýde.

Atakent kenti men Maqtaral, Jambyl aýyldyq okrýgterinde ashylǵan 19 qabyldaý-evakýasııalaý pýnktine 3200 adam ornalastyrylǵan. Myrzakent jáne Aqjol eldimekeniniń turǵyndary úılerine oralýyna baılanysty evakýasııalyq pýnktter sany 24-ten 19-ǵa qysqardy.

– Qabyldaý evakýasııalyq pýnkteri qajetti qural-jabdyqtar men azyq-túlikpen qamtamasyz etilgen. 120 medısına qyzmetkeri medısınalyq kómek kórsetýde. Jetisaı qalasynda da 3 evakýasııalyq-qabyldaý pýnkti ázirlengen. Qajet bolsa evakýasııalanǵan turǵyndardy qabyldaýǵa daıynbyz, – dedi О́. Shókeev.

Tótenshe jaǵdaı saldarynan búgingi tańǵa, aldyn ala esepteýler boıynsha jalpy 845 turǵyn úıdi, 3 mektepti, 5 bala-baqshany,4 medısına nysandary men 1 mádenıet úıin, 10 dúkendi sý basty, Jeńis aýylyndaǵy kópirdi (uzyndyǵy 10 metr, eni 6 metr) jáne respýblıkalyq, oblystyq, aýdandyq mańyzy bar 54,7 shaqyrym avtojoldardy sý shaıdy.

 
"Qamshy" silteıdi
Ilmek sózder: Maqtaaral sý tasqyny

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir