Tramp Qytaıdy qalaı jazalaıtynyn aıtty

AQSh prezıdenti Donald Tramp pandemııa zardaby úshin Qytaıǵa bir trıllıon dollar tarıf engizip, jazalaýǵa ýáde berdi. Bul týraly Qamshy tilshisi brıtanııalyq Daily Express basylymyna silteme jasap habarlaıdy. 

Donald Tramp ótemaqy tóleý túri retinde Pekınge 1 trıllıon dollarǵa deıin tarıf engizýdi usyndy. Alaıda Tramp baspasóz máslıhatynda Qytaıǵa qatysty kelesi qadamdary týraly naqty aıtýdan bas tartty.

Tarıfter týraly saýal qoıylǵanda, AQSh prezıdenti: "Meniń ony aıtqym kelmeıdi. Bizde óte kúrdeli oıyn júrip jatyr" dedi.

Tramp ákimshiligi "Qytaı koronavırýs aqparattaryn jasyryn ustap, onyń búkil álemge taralýyna sebepshi boldy" dep aıyptaǵan.

О́tken aptada Aq Úıdiń sheneýnikteri jýrnalısterge ákimshiliktiń Qytaıdan ótemaqy óndirip alýǵa qatysty nusqalardy qarastyryp jatqanyn jetkizdi.

Oǵan tek tarıfter engizý ǵana emes, sonymen birge AQSh-taǵy Qytaı qaryzdarynyń bir bóligin alyp tastaý da jatady.

Sheneýnikterdiń biri "Qytaıǵa qalaı soqqy jasaý kerektigi jáne ony qalaı durys tekserý kerek ekeni týraly pikirtalas júrip jatyr" dedi.