Dáýren Abaev PÁ basshysynyń birinshi orynbasary boldy

Dáýren Abaev QR prezıdenti ákimshiligi basshysynyń birinshi orynbasary bolyp taǵaıyndaldy.

"Dáýren Áskerbekuly Abaev Qazaqstan Respýblıkasy Prezıdentiniń Ákimshiligi Basshysynyń birinshi orynbasary bolyp taǵaıyndalsyn" delingen Aqorda saıtyna jarııalanǵan prezıdent jarlyǵynyń mátininde.

Dáýren Áskerbekuly Abaev 1979 jyly Almaty oblysynda týǵan. 2001 jyly Ál-Farabı atyndaǵy Qazaq memlekettik ulttyq ýnıversıtetin úzdik bitirgen. 2014 jyly Eýrazııa gýmanıtarlyq ınstıtýtyn támámdaǵan.

2001 jyldyń tamyzy men 2003 jyldyń tamyzy aralyǵynda QR Syrtqy ister mınıstrliginiń ortalyq apparatynda jumys istedi.

2003 jyldyń mamyry men 2007 jyldyń mamyry aralyǵynda QR Ázerbaıjandaǵy jáne Nıderlandy Koroldigindegi Elshilikterinde dıplomatııalyq qyzmet atqardy.

2007 jyldyń mamyry men 2007 jyldyń jeltoqsany aralyǵynda - QR Syrtqy ister mınıstrligi Baspasóz qyzmeti bóliminiń basshysy.

2007 jyldyń jeltoqsany men 2008 jyldyń jeltoqsany aralyǵynda - QR Prezıdenti Protokolynyń bas sarapshysy, konsýltanty. 2008 jyldyń jeltoqsany men 2009 jyldyń qazany aralyǵynda - QRPrezıdenti Baspasóz hatshysynyń orynbasary.

2009 jyldyń qazanynan - QR Prezıdenti Ákimshiliginiń Memlekettik baqylaý jáne aýmaqtyq-uıymdastyrý jumysy bóliminiń memlekettik ınspektory. 2011 jyldyń qazanynda Memleket basshysynyń О́kimimen QR Prezıdentiniń Baspasóz hatshysy bolyp taǵaıyndaldy.

2013 jyldyń shildesinen 2016 jylǵa deıin QR Prezıdentiniń keńesshisi - QR Prezıdentiniń Baspasóz hatshysy qyzmetin atqardy. 2016 jyldyń mamyrynda QR Aqparat jáne qoǵamdyq damý mınıstri bolyp taǵaıyndaldy.