03 Mamyr, 2020 NEWS
Túrkistan oblysy ákiminiń baspasóz qyzmeti
Qazirgi tańda Túrkistan oblysy Maqtaaral aýdanynyń 4 eldimekeni: Jańa-Turmys (46 úı), Jeńis (130 úı), Fırdoýsı (250 úı) jáne О́rgebas (194 úı) sý astynda qalǵan. Jalpy qyzyl sýdan 620 úı japa shekken.
Turǵyndardy kóshirý úshin 22 evakýasııalyq oryn daıarlanǵan. Búgingi kúnge bul oryndarǵa ornalasqan adam sany 7000 -ǵa jýyq.
Evakýasııalyq bólimderde turǵyndardy 120 medısına qyzmetkerleri tekserýden ótkizýde. Polısııa qyzmetkerleri Jeńis, Jańa-Turmys, Fırdoýsı, О́rgebas elimekenderine 5 blok-beket qoıyp, qaýipsizdikti qamtamasyz etýde.
Sonymen qatar, kórshiles Jetisaı aýdany, Qoǵaly eldimekeninde qaýipsizdikti kúsheıtý maqsatynda 5 tehnıka, 508 adam jumyldyrylǵan.
Jaǵdaı turaqty baqylaýda, barlyq qajetti kómek ýaqytyly kórsetilýde.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir