02 Mamyr, 2020 NEWS

Halyqty saýyq-saıran ortalyqtary men avtosalondar asyraı ma?

Kórneki sýret

Qurmetti Prezıdent myrza! Búgingi daǵdarysqa baılanysty Úkimetimiz 361 mekemege  qarjylaı kómek kórsetetin bolyp jatyr.  Ol tizimde 218 qurylys (onyń 80- BI Group qarasty), 86 – saýda men jyljymaıtyn múlikti jalǵa berýshiler, 26 – kólik, 15 – energetıka jáne 5 – taý-ken kompanııasy bar eken. Biraq, bir de bir óndiris kompanııasy joq kórinedi. Ony saralaǵan QR О́nerkásipshiler men kásipkerler odaǵy málimdeme jasapty. Málimdemedegi «avıakompanııalar men aeroporttarǵa, energetıkalyq,  elıtalyq turǵyn úı salatyn jáne elıtalyq avtomobıl satatyn kompanııalarǵa qoldaý kórsetýge basymdyq berýge bolmaıdy»; «Tizimge maqsaty men baǵyty jaǵynan memleketten kómek alýǵa tıis emes bıznes ókilderiniń kirýine jol berýge bolmaıdy!»; «Úkimettiń naqty óndiris kásiporyndaryna kómek kórsetýdiń ornyna mıllıardtardy tarıfty kóterip qoıyp, asa bir muqtajdyq kórmeıtin monopolısterge jumsaýy memlekettik uıymdardyń bedelin túsiredi, oǵan jol berýge bolmaıdy!»; «bul – barlyq kásipkerler men eldiń búkil turǵyndarynyń betine túkirý bolyp kórinedi» degen, «tizimdi qaıta qaraý kerek!» degen sózderin oqyǵanyńyzǵa kúmánim joq. Budan artyq ashy da aqıqı aıtý múmkin emes.

Men tek óz tarapymnan mundaı qarjyny eń aldymen aýyl sharýashylyǵyn kóterýge: eginshilikti ıntensıvti paıdalanýǵa kóshirýge, odan da buryn etti, sútti, jún men terini tereńdete óńdeý isine jumsaýǵa mindetti ekenimizge Sizdiń nazaryńyzdy aýdarǵym keledi. Bul másele 30 jyldan beri aıtýdaı aıtylyp, biraq, áli kúnge qolǵa alynbaı-aq qoıǵan másele. Bizdiń sút pen aırandy, sarymaı men irimshikti Reseı men Qyrǵyzstannan, etti ...Argentına men Brazılııadan alyp otyrǵanymyz estigen qulaqtan uıat. Siz osy daǵdarysty, Tótenshe jaǵdaıdy paıdalanyp aýyl sharýashylyǵyn kóterip almasaq, erteń aqsha taba almaı qalamyz. Biz sonda ǵana baıaǵyda brendimizge aınalýǵa tıis ekologııalyq taza Taǵam ónerkásibi men kıim shyǵaratyn Jeńil ónerásipke negiz salyp alamyz. Sonda ǵana halqymyz qandaı daǵdarys bolsa da óziniń ash-jalańash qalmaıtynyna senimdi bolady. О́ıtkeni, maqta men júnimiz, terimiz bar bizdiń ishkıim-kóılekten bastap ishik-tonǵa deıin ózimizdi tolyq qamtamasyz etýge múmkindigimiz jetip-artylady. Syrty qundyzdaı jyltyraıtyn, ishinde neshe túrli jylytqyshy bar jep-jeńil taıjaqy jaýyn men aıazdan birdeı qorǵaıtyn, naǵyz álemdik  qazaq brendi bolar edi...

Daǵdarys uzaqqa sozylmaıdy dep eshkim kepildik bere almaıdy. Munaıdyń baǵasy kóterilmeı qoısa, eksportqa shyǵaratyn ónimimiz shamaly-aq, sonda ne isteımiz? Jaraıdy, 1 mıllıon olıgarhtar men baılar qınala qoımas, qalǵan 17 mılııon halyqty nemen asyraısyz?  Jaýapkershilik sizdiń moınyńyzda ǵoı? Japonııa men Qytaı ótken, «bir aýyl – bir ónim» qaǵıdasyn ustansaq, «Vse sıly – na Denııkına!» degen Lenınniń izimen «Bar kúshimiz – aýyldy órkendetýge!» degen uranmen qımyldsaq, bir-eki jylda  «Gúldense aýyl – gúldenemiz bárimiz!» degen Beıimbet atamyzdyń arman-ósıetin iske asyrar edik.

Búgin tańda halyqqa, ásirese qazaqqa eń birinshi keregi – kúndelikti tamaǵy men basyna baspana. Tamaq jaıyn aýyldy kóterip sheshe alasyz. Baspanany sheshý úshin – Astana men Almatydan bastap barlyq qaladaǵy jalǵa beriletin jáne bos turǵan páterlerdi teksertińiz. Myńdaǵan emes, júz myńdaǵan qazaqqa baspana taýyp beresiz!..

Qurmetti Prezıdent myrza! Ulttyń taǵdyry sheshiletin sátte qyzmet mártebesi mańdaıyńyzǵa buıyrdy. Batyl da jedel qımyl kútedi el-jurt sizden. О́ıtkeni, múmkinshilik te, aýyzdan shyqqan sóz sekildi, qaıtyp kelmeıtinin siz jaqsy bilesiz.

Isińizdiń alǵa basýyna tilektespin. Alla-Taǵala ózińizge jar bolsyn!

Qurmetpen, О́mirzaq Aqjigit, táýelsiz jýrnalıst

Ilmek sózder: ekonomıka

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir