Sý basqan Maqtaaral aýdany turǵyndaryna kómek kórsetiledi

Memleket basshysy Q.Toqaev Túrkistan oblysyndaǵy sý basqan aýyl turǵyndaryna kómek kórsetýdi tapsyrdy.

"О́zbekstandaǵy sý qoımasy bógetiniń buzylý saldarynan Túrkistan obl. Jeńis jáne Jańa turmys aýyldaryn sý basty. Búgin PM A.Mamın men oblys ákimi О́.Shókeev aýyl turǵyndaryn evakýasııalaý boıynsha qabyldanǵan sharalar týraly baıandady. Zardap shekken otbasylarǵa kómek kórsetýdi tapsyrdym, delingen prezıdenttiń twitter-degi jazbasynda.

Keshe, 1 mamyrda О́zbekstandaǵy Sardoba sý qoımasynyń bógeti nóser jańbyr men qatty jel saldarynan jarylyp, Túrkistan oblysy Maqtaaral aýdanynyń Jańa turmys, Jeńis, Nurly jol aýyldaryn sý basqan.

Eldimekenderdiń 5400 turǵyny aýdan ortalyǵy Myrzakentte ornalasqan Myrzakent mektep-gımnazııasyna, S.Rahymov atyndaǵy jalpy orta mektebine, Pýshkın, Abylaıhan orta mektepterine evakýasııalanǵan.

Eldimekenderden turǵyndardy kóshirýge 450 polıseı jumyldyryldy. Halyqty evakýasııalaý úshin Maqtaaral, Jetisaı jáne Saryaǵash APB jeke quramy men Ulttyq ulannan 250 áskerı atsalysty.

Apattyq-qutqarý jumystaryna tótenshe jaǵdaılar departamentiniń jeke quramynan 138 adam, 8 tehnıka tartylǵan. Ulttyq gvardııanyń 6506 bólimshesinen 300 adam, 300 oryndyq 6 avtobýs, 120 oryndyq 4 KamAZ, aýdandyq polısııa bóliminen 7 tehnıka jáne 70 qyzmetker kómekke kelgen. Al jergilikti atqarýshy organnan 40 qyzmetker, 5 tehnıka tartyldy.