Almatyda sý basý boıynsha 16 jaǵdaı tirkeldi

Megapolıste jaýyn-shashyn jaýý kezinde sý basýdyń aldyn alý jáne ony joıý maqsatynda 2020 jyldyń 14-15 sáýiri aralyǵynda merdigerlik uıymdar men aýdandyq ákimdik qyzmetkerleriniń kúshimen táýliktik kezekshilik uıymdastyryldy. Bul týraly qala ákimdiginiń baspasóz qyzmeti habarlady.

О́tken túnde sý basý boıynsha 16 jaǵdaı tirkeldi. Sonyń ishinde 13 aýla aýmaǵy men 3 kósheni sý basty.

Sondaı-aq, Jetisý aýdanyna tıesili Raıymbek dańǵyly men Jeltoqsan kóshelerniń qıylysynda apatty jaǵdaıda turǵan aǵash qulap, joldy basyp qaldy. Qalalyq qutqarý qyzmetiniń qyzmetkerleri apattyń saldaryn joıdy.
Túngi ýaqyttaǵy jumystarǵa 164 adam, 99 birlik arnaıy tehnıka jáne 31 motopompa jumyldyryldy.

Tańerteńnen bastap sýdy bógetsiz ótkizý jáne aǵyzýdy qamtamasyz etý jumystaryn uıymdastyrý úshin 779 adam, 276 birlik arnaıy tehnıka jáne 32 birlik motopompa iske qosyldy.

Barlyǵy 880 dana qum salynǵan qap qoldanyldy.