04 Sáýir, 2020 NEWS

Almatyda Covid-19 ınfeksııasyn jeńgen taǵy 6 naýqas jazylyp shyqty

7kun.kz

Búgin Almatyda Covid-19 ınfeksııasyn jeńgen taǵy 6 naýqas jazylyp shyqty. Bul týraly qala ákimdiginiń baspasóz qyzmeti habarlady.

Olardyń beseýi – áıel adam bolsa, bireýi – er adam.

Olardyń bári aýrýhanadan shyqqan soń birden 14-kúndik úı karantınine kóshirildi.

Aıta keteıik, aýrýdan jazylyp shyqqan eki naýqas 16 naýryz kúni Stambuldan kelse, eki adam 10 naýryz kúni Máskeý – Almaty baǵytymen ushyp kelgen. Taǵy bireýi 13 naýryz kúni Berlınnen kelse, endi bir adam osy ınfeksııa juqtyrǵan naýqaspen baılanysta bolǵan.

Sonymen qazirgi ýaqytta koronavırýs ınfeksııasynan emdelip, jazylyp shyqqandardyń jalpy sany Almatyda – 19 adam.

Eskerte keteıik, búgingi kúni qalalyq juqpaly aýrýlar aýrýhanasynda koronavırýs ınfeksııasyn juqtyrǵan degen dıagnozben 91 naýqas jatyr. Olardyń bireýi Almaty oblysynyń turǵyny (áıel adam).

Jalpy alǵanda, provızorlyq ortalyqtarda búginde 655 adam bar, olardyń 83-i bala, eki kúndik karantınde 523 azamat, al úı karantıninde 4411 adam jatyr.

Ilmek sózder: Almaty koronavırýs

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir