Batys Qazaqstan oblysy densaýlyq saqtaý basqarmasynyń basshysy Bolatbek Qaıýpov juqpaly aýrýlar aýrýhanasynda dárigerlerdiń talabyna baǵynbaı júrgen birneshe emdelýshi baryn aıtty. Bul týraly QazAqparat habarlady.

B.Qaıýpovtyń aıtýynsha, olar palatalardy aralap, basqalardy tártipke moıynusynbaýǵa úndep, vırýsty tarata túsýde.

– Budan birneshe kún buryn da osyndaı jaǵdaı boldy. Osy emdelýshiler ózderin saý sanap, palatalarynan shyǵyp, úılerine ketpek boldy. Bálkim, araq ta ishken bolar. Mundaı jaǵdaı búgin de qaıtalandy. Osylaısha, olar ózderine zııan jasap otyr. Munyń sebebi mynada, emdelgenine 14 kún bolyp, jazylýǵa jaqyndaǵan adamdar basqalarmen aralassa, emdeý kýrsyn qaıtadan bastaýǵa týra keledi. Eger typ-tynysh emdelse, 14 kúnnen keıin jazylyp shyǵar edi, – dedi B.Qaıýpov.

Dáriger olarǵa vırýstyń qaýiptiligin túsindirip, osy kúılerinde úılerine barmaýǵa keńes berse de, túsingisi kelmeıtinin atap aıtty.

– Olar ózge emdelýshiler ǵana emes, dárigerler men medbıkelerge de aýrý taratýy múmkin. Osy aýrýhanadan 8 qyzmetkerdiń koronavırýs juqtyrýy oılandyrmaı qoımaıdy. Qazir jaǵdaı tynyshtaldy. Áıtse de atalǵan kisiler qaıtadan búlik shyǵarsa, qylmystyq is qozǵalýy da múmkin, – dedi basqarma basshysy.

 

 

 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir