02 Sáýir, 2020 NEWS
vitebsk.biz
Almaty qalasy ákimdiginiń baspasóz ortalyǵynda shahar basshysynyń birinshi orynbasary Erlan Qojaǵapanov onlaın brıfıng ótkizdi. Brıfıng barysynda Erlan Toqtarhanuly Almaty qalasynyń turǵyndary úshin eń ózekti bolyp tabylatyn máselelerge toqtaldy.
– Qala ómirindegi eń bir suranysqa ıe kólik bul – árıne taksı ekendigi belgili. Karantın engizilgenge deıin taksı shaqyrtýǵa kúnine 10 myńnan astam ótinim qabyldansa, sońǵy aptada ol kúrt tómendegen. Iаǵnı shaqyrtý 700-ge túsip ketken. Osyǵan oraı Jedel shtab eń belsendi taksılerdi qyzmetke tartyp otyr. Olardyń barlyǵy mindetti sharttardy buljytpaı oryndaýlary kerek, – dedi E. Qojaǵapanov.
Máselen, kólikter árbir shaqyrtýlardan keıin zalalsyzdandyrý jumystaryn júrgizýge jáne bir jolaýshydan artyq almaýǵa mindetti. Belgili bolǵandaı, qaladaǵy karantın kezinde 2 myń taksı jumysqa tartylǵan eken. Brıfıngte qoıylǵan saýaldyń biri araqashyqtyqty saqtaýǵa baılanysty boldy. Máselen, eger azyq-túlik sýpermarketi 1 shaqyrym jerde ornalassa, oǵan 10 mınýt ýaqytta jetýge bola ma degen saýal qoıyldy.
– Karantın jaǵdaıynda eń qolaılysy úıińizge jaqyn ornalasqan dúken nemese dárihanaǵa barý ekeni daýsyz. Eger sizdi jaıaý patrýlder toqtata qalsa, úıińizdiń mańaıynda dúkenniń bar-joǵyn anyqtaıtyn bolady, – dedi ákimniń birinshi orynbasary.
Sonymen qatar, qala turǵyndaryn mazalap otyrǵan shekteý sharalaryn uzartýǵa baılanysty sheshimniń qabyldanýy múmkin be degen saýaldyń da jaýaby berildi.
– Juqpaly indettiń beleń alyp bara jatqanyn eskerip, shekteý sharalarynyń uzartylýy da múmkin. Máselen, Italııa karantın merzimin 13 sáýirge deıin uzartatyndyǵyn málimdedi, – dedi shahar basshysynyń birinshi orynbasary Erlan Qojaǵapanov.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir