Elimizde tótenshe jaǵdaı jarııalanyp, Mańǵystaý óńirinde karantın rejımi engizilgen kúnnen bastap medısına qyzmetkerleriniń jumysy qıyndaı túskeni ózderińizge málim. Bul rette, óńirdegi jomart jandar aq halatty azbal jandarmen birge ekendigin kórsetip, dáleldedi. Ásirese shaǵyn jáne orta bıznes ókilderi ózderi qoldaý krsetýge nıet bildirip, azyq-túlik, gıgıenalyq zattar, medısına qyzmetkerlerine qajetti arnaıy kıimder jáne taǵy basqa qajetti zattar satyp alyp berdi.

-Mańǵystaý oblysy ákimdiginiń tikeleı qoldaýymen «Covid-19» indetimen kúresip jatqan medısınalyq uıymdarǵa 428 dana qorǵaný kostıýmderi berilgen bolatyn. Onyń 249 danasy jedel járdem qyzmetine, 154 danasy Mańǵystaý oblystyq aýrýhanasyna, 25 danasy oblystyq týberkýlezge qarsy dıspanserine berildi. Sonymen qatar 38 qorǵaný kózildirekteri, 486 halattar, 10 teplovızor taǵy bar. Oblystyq ınfeksııalyq aýrýhanany jóndeýden ótkizýge yqpal etti, deıdi oblystyq densaýlyq saqtaý basqarmasynyń baspasóz hatshysy Nurbol Oqýov.

«Ulttyq rýh» qoǵamdyq birlestigi 10 dana pýlso-ksımetr satyp alyp berdi. Birikken Arab Ámirligi gýmmanıtarlyq kómek qolyn sozdy. 532 dana kombınezon, 560 dana qorǵaý kıimderi, 10500 dana qolǵap, 1120 bahıla, 210 sanıtaızer. 

«Alı Baba» kompanııasy «ZHENDE» fırmasy shyǵaratyn 200 dana qorǵanysh kostıýmderi, 10.000 dana «KINGSTAR» jáne 1980 dana «YUNDA» fırmasy óndiretni adamnyń betin qorǵaıtyn betperdeler, 290 dana «DJM» qorǵanysh betperdesi, 8 dana termometr bólgen bolatyn. SÝAR Úkimeti de shet qalmady. Qorǵanysh kostıýmderi, betperdeler, kapsýlalar, granýralar, dáriler berip jiberdi. 

«NCOC» kompanııasy «Vıraj» avtosalonynan Gazel markaly sý jańa 3 avtokóligin tabystady. Onyń ár qaısysy 17 mln teńgeden turady. Aldaǵy ýaqytta «NCOC» kompanııasy taǵy da qoldaý kórsetýge nıet bildirip otyr. 

Sondaı-aq, sanıtarlyq avtokólikterdi jóndeýden shyǵarýǵa kómek qolyn sozǵan jergilikti kásipkerlerdi de atap ótýimiz kerek. Barlyǵy 50-ge jýyq qajetti bólshekter berilip, buzylyp turǵan temir tulparlar qaıta jolǵa shyǵyp, búginde shaqyrtýlarǵa baryp júr. 

Sonymen qatar ınfeksııa bólimshesine, observasııanyń medısınalyq qyzmetkerlerine «Nur Otan» partııasy Mańǵystaý oblystyq fılıaly,  oblystyq máslıhatynyń depýtaty Abat О́risbaev, «Isker áıelder qaýymdastyǵy» oblystyq fılıalynyń jetekshisi, «Prestıj» mekemesiniń basshysy Irına Belıaeva, «Ak-Nek» JShS-niń dırektory Zareta Fatalıeva, jeke kásipker Shamrad Tleýbaev, «BIO WATER GROUP» dırektory Oljas Álmerekov, «Klýb Dobrıakov» eriktiler qozǵalysy, «Nomad» kompanııasy, Imanǵazy Ibatuly bastaǵan «Bir adamdar – biz birgemiz» qaıyrymdylyq qory, «Mańǵystaý – adaldyq alańy» jobalyq keńsesi, óńirlik «Atameken» kásipkerler palatasy jáne t.b. janashyr jandar barynsha qoldaý kórsetip, birinshi qajettilikterdi jetkizýde. 

Máselen, «General Equipment Qazaqstan» JShS dırektory Nurbolat Aıtýarov aq halatty abzal jandardy ystyq taǵammen qamtý úshin óz esebinen 430.000 myń qarajatyn shyǵarǵan. 

Osynaý qıyn kezde kómek qolyn sozǵan barlyq jomart jandarǵa alǵysymyz sheksiz.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir