Búgin «AIаLA» qaıyrymdylyq qory «О́mir syılaıyq» jobasynyń aıasynda «Shevron» kompanııasynyń qarjylyq qoldaýymen Almaty qalasy Balalar qalalyq klınıkalyq juqpaly aýrýlar aýrýhanasyna (BQKJAA) jalpy somasy 71,8 mln teńgeni quraıtyn Humming Vue (Japondyq) eki jańa jasandy ókpe ventılıasııasy apparatyn Qazaqstanda COVID-19 aýrýymen kúresý maqsatynda tapsyrdy. Bul týraly almaty.tv habarlady. 

«Shevron» kompanııasynyń jurtshylyqpen baılanys jónindegi úılestirýshisi Janar Qoshpanovanyń aıtýynsha, osy jabdyq balalar juqpaly aýrýlar aýrýhanasynyń dárigerlerine tezirek jáne tıimdirek kómek kórsetýge múmkindik beredi, óıtkeni jansaqtaý bóliminde bir mınýtty da joǵaltýǵa bolmaıdy.

– Búgingi tańda iri bıznes pen Qazaqstannyń úkimeti jańa koronavırýstyń taralýyn toqtatý jáne aýyrǵandarǵa jazylýǵa kómektesýge bar kúshin salýda. Ornatylǵan IVL apparattarymen qosa dárigerler ony paıdalanýdy úırenip, kepildi tehnıkalyq qoldaýǵa ıe bolady. Biz jańa IVL apparattary tek pandemııa kezinde ǵana emes, daǵdyly jaǵdaıda da balalardyń ómirin saqtaýǵa kómektesedi dep senemiz. «Shevron» kompanııasynyń atynan men barlyq qazaqstandyqtarǵa zor densaýlyq jáne osy kúrdeli kezeńnen aman-esen ótýge kúsh-qýat tileımin, – dedi Janar Qoshpanova.

Humming Vue IVL apparattary sońǵy býynǵa jatady jáne qysymdy 13 mıkron deńgeıinde baqylaýǵa kómektesedi, bul balalardy baro-jaraqattaý qaýpin azaıtyp, respıratorlyq terapııanyń klınıkalyq tıimdiligin arttyrady. Olardy sterıldeý óte ońaı jáne keıin qaıta mólsherleýdi talap etpeıdi, bul ony kelesi paıdalanýǵa daıyndaý ýaqytyn aıtarlyqtaı qysqartady. Bul apparattar rejımderdi aýystyryp qosý kezinde ártúrli tynys berý kontýrlaryn ajyratpaı nemese aýystyrmaı pasıentterdiń ókpesin jeldetýge múmkindik beredi, barlyǵyn bir kontýrda iske asyryp, aýyr gıpoksııa qaýpiniń artýyna jol bermeıdi.

2019 jyly BQKJAA shamamen 100 myń jas pasıentti qabyldady, onyń tórtten bir bóligi aýrýhanaǵa jatyp shyqty. Osy aýrýhananyń jansaqtaý bólimine byltyr shamamen 500 bala jatqyzyldy, olardyń besten bir bóligi IVL apparatyna qosyldy. Jansaqtaý bólimi pasıentteriniń shamamen 60%-y pnevmonııa jáne 3-dárejeli tynys jetkiliksizdigi dıagnozdarymen túsken.

«AIаLA» qaıyrymdylyq qory kóp jyldan beri BQKJAA-men «О́mir sıylaıyq» respýblıkalyq jobasy aıasynda belsendi túrde áreket etedi. Jabdyqtyń jáne apparatýranyń, sonyń ishinde qor 2007 jyly jansaqtaý bólimine bergen IVL apparattarynyń kómegimen aýrýhanadaǵy balalar ólimi 4-ese azaıdy.

Jalpy osy jobany iske asyrǵan 13 jyldyń ishinde «AIаLA» qory Qazaqstannyń 30 aýrýhanasy men perzenthanasyna jalpy 389 380 567 teńge somasynda jabdyq tapsyrdy. Osynyń arqasynda Qazaqstandaǵy on myńdaǵan balanyń ómiri qutqaryldy.

Ilmek sózder: Almaty COVID-19

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir