01 Mamyr, 2020 Saıasat

AQSh soǵys kemeleri men ushaqtary Ońtústik Qytaı teńizindegi daýly aımaqqa kirdi

BI

AQSh-tyń jalaýyn kótergen eki keme sońǵy 48 saǵat ishinde áskerı-teńiz kúshteriniń navıgasııalyq operasııalary aıasynda daýly Spratlı araldary arqyly júzip ótti. Bul týraly Qamshy tilshisi The Express basylymyna silteme jasap habarlaıdy.

AQSh-tyń USS Barry zymyran joıýshy kemesi daýly Parakel araldaryn aralady, ony  USS Bunker Hill áskerı ushaq tasıtyn soǵys kemesi qadaǵalady.

Amerıka áskerı kúshteriniń aımaqtaǵy kúsheıýi Qytaıǵa tikeleı qaýip retinde qarastyrylyp otyr.

Qytaı bıligi AQSh-ty "halyqaralyq zańdardy elemedi", "Qytaıdyń egemendigi men qaýipsizdik múddelerin eleýli túrde buzdy" jáne "arandatýshylyq áreketter jasady" dep aıyptady.

Osy aıdyń basynda Qytaıdyń ǵalamdyq teledıdar jelisi Beıjiń Ońtústik Qytaı teńizindegi eki daýly aralǵa baqylaý ornatqanyn habarlaǵan.

Qytaı men onyń kórshiles elderi Brýneı, Malaızııa, Fılıppın, Taıvan jáne Vetnam arasynda daýly shekaralar men aımaqtar bar.

Ilmek sózder: AQSh Qytaı

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir