01 Mamyr, 2020 NEWS

Shyǵys Qazaqstan avtojoldardy jóndeý boıynsha kósh bastap tur

ShQO aqparat ortalyǵy

Shyǵys Qazaqstanǵa Indýstrııa jáne ınfraqurylymdyq damý mınıstri Beıbit Atamqulov jumys saparymen keldi. Is sapar barysynda mınıstr ShQO ákimi Danıal Ahmetovpen birge О́skemen-Taldyqorǵan, Qalbataý-Maıqapshaǵaı dálizderin salý jobasynyń iske asyrylý barysymen tanysty.

Joba aıasynda 763 shaqyrym jol jóndeledi. Nátıjesinde ShQO, Aıagóz aýdanyndaǵy Shyńqoja jáne Úshbıik, sondaı-aq Almaty oblysyndaǵy Qoılyqqa deıingi aralyqtaǵy jol jóndelmek.

Avtojoldardy qaıta jóndeý jumystaryna «CITIC Cinstruction Co.Ltd» JShS, «K-Dorstroı» men «Todini Central Asia» JShS merdiger kompanııalary tartylǵan.

«K-Dorstroı» JShS-niń basshysy Valerıı Jumaǵazynovtyń aıtýynsha, jol jóndeý barysynda Shyǵys Qazaqstannyń klımaty eskerilip otyr. Sondaı-aq jóndeý jumystaryna jańa tehnıkalar qoldanylýda.

– 2017 jyldan bastap bul joba júzege asyrylýda. Eń aldymen jobalaý-izdestirý jumystaryn júrgizdik. О́tken jyly qurylys-montajdaýmen aınalystyq. Al bıyl negizgi sharýaǵa kóshtik. Joldyń betki qabatyn jaýyp jatyrmyz. Endi bul jolǵa kem degende 8-10 jyl jóndeý jumystaryn júrgizbeýge bolady, – dedi joba jetekshisi.

Koronavırýsqa baılanysty elimizde jarııalanǵan tótenshe jaǵdaıǵa qaramastan munda jumys bir mezette toqtaǵan joq.

Josparǵa sáıkes 2020 jyly bul aýmaqtaǵy barlyq jumys aıaqtalady.

– Qarjynyń negizgi bóligi joldardy jóndeýge bólindi. Aǵymdaǵy jyly Qazaqstanda 4 myń shaqyrym, 2021 jyly 2,6 myń shaqyrym jergilikti jol jóndeledi. Osy oraıda, Shyǵys Qazaqstan joldardy qaıta qalpyna keltirý boıynsha kósh bastap turǵanyn atap ótken oryndy. Eń bastysy, jol qurylysy jumys oryndaryn kóbeıtýge múmkindik beredi, – dedi Indýstrııa jáne ınfraqurylymdyq damý mınıstri Beıbit Atamqulov.

О́skemen-Taldyqorǵan avtojolynyń qurylysy 2021 jyly aıaqtalady dep kútilýde.

Qalbataý-Maıqapshaǵaı avtojolynyń jóndeý jumystarymen «SP «KazGerStroı» JShS men «SınSın» qytaılyq kompanııasynyń qazaqstandaǵy fılıaly aınalysýda. Joldyń jalpy aýmaǵy 415 shaqyrymdy quraıdy. Jańa jol jolaýshylardyń ýaqytyn únemdeýge septigin tıgizedi. Mundaǵy qurylys jumystary 2022 jyly aıaqtalady.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir