Qazaqstanda koronavırýsqa shaldyqqandar mınıstr aıtqan májeden asty

Densaýlyq saqtaý mınıstrligi elde koronavırýs juqtyrǵan taǵy 102 jaǵdaı tirkelgenin habarlady.

Almaty qalasynda – 79, Shyǵys Qazaqstan oblysynda – 3, Nur-Sultan qalasynda – 5, Batys Qazaqstan oblysynda – 6, Almaty oblysynda – 2, Jambyl oblysynda – 2, Mańǵystaý oblysynda – 1, Túrkistan oblysynda – 3, Shymkent qalasynda – 1 naýqastan vırýs anyqtalyp otyr.

Osylaısha Qazaqstanda koronavırýs anyqtalǵandardyń jalpy sany 3504-ke jetti. Onyń 866-sy indetten aıyǵyp shyqsa, 25 adam qaıtys bolǵan.

Buǵan deıin, 30 naýryzda densaýlyq saqtaý mınıstri Eljan Birtanov naýryz-mamyr aralyǵynda Qazaqstanda koronavırýs juqtyrǵandar 3 jarym myń adamnan aspaıtynyna úmittenetinin aıtqan.