30 Sáýir, 2020 NEWS

Almatyda koronavırýsqa júrgiziletin test sany artady

today.kz

Almatynyń memlekettik bas sanıtarlyq dárigeri Jandarbek Bekshın qalada koronavırýsqa júrgizilip jatqan testter sany kúnine 2,5 myń, 3 myńǵa jetkiziletin bolady dep aıtty. 

Onyń aıtýynsha, koronavırýsty anyqtaý boıynsha osy ýaqytqa deıin 46 myń test alynyp, zerthanada taldaý jasaldy.

– Qazirgi ýaqytta kúnine 2 myńdaı test júrgizilýde, bul kórsetkishti 2,5-3 myńǵa deıin jetkizýdi kózdep otyrmyz. Synamalardyń nátıjesi bir kún ishinde daıyn bolady. Osy aralyqta 11 myńdaı medısına qyzmetkerinen test alyndy. Sonymen qatar, medısına qyzmetkerleriniń koronavırýsty juqtyryp almaýyna baǵyttalǵan erejeler men talaptar da kúsheıtilip otyr, – dedi Jandarbek Bekshın.

Sonymen qatar, ol Almatyda 6 zerthana PTR dıagnostıkasy boıynsha jumys isteıtinin atap ótti.

 

 

 

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir