29 Sáýir, 2020 NEWS

Almatyda 6 pasıent qaýipti indetten emdelip shyqty

f3nws.com

Almatyda koronavırýs ınfeksııasy boıynsha 919-shy jaǵdaı tirkeldi. Bul týraly qala ákimdiginiń baspasóz qyzmeti habarlady.

Keshe 43 jańa jaǵdaı anyqtalǵan. Olardyń barlyǵy vırýs juqtyrǵan naýqaspen baılanysta bolǵandar. Baılanysqandardyń ishinen eń úlkeni – 1944 jylǵy zeınetker, eń jasy kishisi – 2 jastaǵy pasıent.

Almatyda koronavırýstyq ınfeksııadan taǵy 6 pasıent saýyǵyp emdeýden shyǵaryldy. Qazirgi ýaqytta megapolıste jazylyp, emdeýden shyǵarylǵandar sany – 102 adam.

Birinshisi, 30 naýryzda Ystambul – Kýala-Lýmpýr – Almaty reısimen ushyp kelgen 24 jasar qyz. Ushyp kelgen soń stasıonarǵa karantınge ornalastyryldy, birinshi testi teris nátıje kórsetken, 10 sáýirdegisi oń nátıje kórsetken. Emdeý 18 kún ishinde jeńil túrde ótti.

Ekinshisi, 16 naýryzda krýız laınerimen kelgen 1953 jyly týǵan áıel. Kelgen soń karantınde boldy, birinshi testi teris nátıje kórsetti, kezekti testi 28 naýryz kúni oń nátıje kórsetken.

Pasıenttiń syrqaty aýyr túrde ótti. Dıagnozy: Eki jaqty polısegmentarly pnevmonııamen Covid-19 vırýsy. Búgingi kúni pasıent ózin jaqsy sezinedi. Sońǵy ret jasalǵan rentgeninde pnevmonııa tabylmaǵan. Emdeý 31 kúnge sozyldy.

Úshinshisi, aýrýdyń jeńil júrýimen №11 Qalalyq emhananyń 38 jastaǵy medısına qyzmetkeri. Emdeýde 17 kún bolǵan.

Tórtinshisi, bul 26 naýryzda Máskeýden ushyp kelgen 1963 jyly týǵan áıel. Kelgen soń stasıonarǵa karantınge ornalastyryldy.

27 naýryzdaǵy testi oń nátıje kórsetti. Emdelýde 32 kún boldy, jaı-kúıi ortasha aýyrlyq dárejesi retinde baǵalandy, sol jaqty tómengi úlestik bronh pnevmonııasy bolǵan.

Besinshisi, 1984 jyly týylǵan, Almaty kópbeıindik klınıkalyq aýrýhanasynan aýystyrylǵan áıel. Almaty oblysynyń turǵyny. Syrqaty aýyr túrde ótti. Eki jaqty polısegmentarly pnevmonııasy bolǵan. Emi 32 kúnge sozyldy.

Altynshysy, bul 11 sáýirde emdeýge kelip túsken, júktiliktiń 6 aptasyndaǵy 33 jasar áıel.

​Inkýbasııalyq kezeń 1-den 14 kúnge deıin aýytqıtyndyǵyn esterińizge salamyz. Sondyqtan, osy ýaqyt ishinde Covid-19 vırýsy anyqtalýy múmkin.

Barlyq emdeýden jazylyp shyǵarylǵan pasıentter 14 kúndik úı karantıninde bolady.

Qazirgi ýaqytta ınfeksııalyq stasıonarlarda koronavırýstyq ınfeksııadan 809 pasıent emdelýde.

Olardyń úsheýiniń jaı-kúıi – asa aýyr, 26 adamda – aýyr, 228 adamda – aýyrlyqtyń ortasha dárejesinde jáne qalǵandary qanaǵattanarlyq dep baǵalanýda.

Úsh pasıent tynys alý jetispeýshiligine baılanysty О́JJ apparatynda, olardyń ekeýi asa aýyr jáne bireýi aýyr halde.

Provızorlyq gospıtaldarda 426 adam jatyr, onyń ishinde15-i bala, karantındik oqshaýlaýda 304 adam, úı karantıninde 11 694 azamat bar.

Ilmek sózder: Almaty koronavırýs

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir