Almatyda koronavırýs ınfeksııasyn juqtyrǵan 847 jaǵdaı tirkeldi. Bul týraly qala ákimdiginiń baspasóz qyzmeti habarlady. 

Keshe taǵy 5 adam vırýs juqtyrǵany anyqtaldy.

Olardyń tórteýi karantındegi vırýs juqtyrǵan naýqaspen baılanysta bolǵandar. Onyń ishinde 1989 j. t. 2 er adam jáne 1971, 1958 j. t. 2 áıel kisi, al besinshisi keshe Atyraý - Almaty reısimen ushyp kelgen 1988 j. t. áıel. Ushyp kelgen soń ekıpajdyń barlyq músheleri karantınge ornalastyryldy.

Juqpaly aýrýlar stasıonarlarynda koronavırýstyq ınfeksııadan emdeýde Almaty oblysynan pasıentti esepke alǵanda, 744 adam bar.

2 naýqastyń jaı-kúıi asa aýyr dep baǵalanýda, 29 adamda – aýyr, 214 adamda – aýyrlyqtyń ortasha dárejesinde jáne qalǵandarynda – qanaǵattanarlyq.

Eki naýqas tynys alý jetkiliksizdigine baılanysty О́JJ apparatynda bolady.

Provızorlyq gospıtaldarda 481 adam jatyr, onyń ishinde – 11 bala, karantındik oqshaýlaýda 415 adam, onyń ishinde 5-i bala. Provızorlyq jáne karantındik stasıonarlarda bos oryndar jetkilikti ekendigin aıta ketken jón.

Statıstıka boıynsha Almatyda 97 jasar áıeldiń qatys bolýy mı qan aınalymynyń jiti buzylýynan týyndaǵan qaıtymsyz organıkalyq dertiniń saldarynan týyndaǵan. Bul rette, koronavırýstyq ınfeksııa, basqa da birqatar aýyr aýrýlary sııaqty qosymsha bolyp tabyldy.

Osyǵan baılanysty, Almaty qalasy Qoǵamdyq densaýlyq basqarmasy janyndaǵy KVI-ǵa oń taldaýy bar pasıentterdegi Qaıtys bolýmen aıaqtalǵan jaǵdaılardy zerdeleý jónindegi komıssııa (QBJZK) bul jaǵdaıdy KVI sebebi boıynsha qaıtys bolý jaǵdaına jatqyzbaý týraly sheshim qabyldady.

96 adam saýyǵyp emdeýden shyǵaryldy, onyń ishinde 6-y balalar.

Keshe I. S. Jekenova atyndaǵy Qalalyq klınıkalyq juqpaly aýrýlar aýrýhanasynyń fılıaly (budan ári – Juqpaly aýrýlar aýrýhanasy) COVID-19 vırýsyn juqtyrǵan pasıentterdi qabyldaı bastady. Qazir munda 43 naýqas bar.

Juqpaly aýrýlar aýrýhanasy dárigerler úshin BI-Industrial qurylys kompanııasy rekordtyq merzimde (18 kún) salǵan modýldik keshende ornalasqan.

Modýldik keshende palatalarda teris qysym jasaıtyn jeldetý júıesi jumys isteıdi: vırýstary bar aýa palatadan tys jerge enbeıdi, ol arnaıy zararsyzdandyrý júıelerine túsedi.

Palatalarda germetıkalyq esikter ornatylǵan, káriz júıesin tazalaýdyń erekshe júıesi jumys isteıdi.

Bul aýrýhananyń 280 tósek-orynǵa eseptelgenin esterińizge sala keteıik. Qurylymyna 9 klınıkalyq bólimshe, 28 tósek-oryndyq reanımasııa bólimshesi, dalaǵa jeke shyǵatyn 10 bir oryndyq palatalar, bes oryndyq dınamıkalyq baqylaý palatalary bar qabyldaý bólimshesi kiredi.

Ilmek sózder: Almaty koronavırýs

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir