29 Sáýir, 2020 Aımaqtar
qamshy.kz
Mańǵystaý oblysynda Jeńistiń 75 jyldyǵyna oraı soǵys ardagerleri men tyl maıdanynda eńbek etken ardagerlerdi ulyqtaý sharalary júrip jatyr.
Qazirgi tańda oblysta soǵysqa qatysqan 11 ardager jáne 900 tyl ardageri bar. Mereke qarsańynda oblys ákimdiginiń qoldaýymen barlyq ardagerlerge aqshalaı materıaldyq qómek esep shottaryna aýdaryldy. Onyń ishinde 11 soǵys ardageriniń árqaısysyna 1 mıllıon teńgeden berildi. Sondaı-aq, soǵys múgedekterine - 1 mln. teńgeden, tyl eńbekkerlerine - 40 AEK-ten, soǵys múgedekterine teńestirilgenderge -60 AEK jáne basqa da sanattaǵy áskerılerge qosymsha qarajat berildi.
Budan bólek, ardagerlerdiń týǵan kúnderi de eskerýsiz qalyp jatqan joq. Oblystyq ardagerler keńesiniń tóraǵasy Serikbaı Tóletov Taýshyq aýylynda turatyn ardager Mámbetov Ybraıkom jáne Aqtaý qalasynyń turǵyny ardager Sýhonos Stanıslav Trofımovıchti oblys ákimi Serikbaı Trumovtyń atynan arnaıy quttyqtap baryp, alǵys hattaryn tabystady.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir