Bul  týraly qoǵamdyq kommýnıkasııa ortalyǵynda ótken brıfıngte "Caspiy Operating" JShS-niń basshysy Ádilet Pirimqulov málim etti. Oblysta jarııalanǵan tótenshe jaǵdaıǵa, sondaı-aq karantındik sharalarǵa baılanysty, qaldyqtardy jınaý jónindegi uıymdardyń qyzmetin qazirgi ýaqyttaǵy sebepterge baılanysty iske asyrý qıyndyq týǵyzýda. Klıentterdiń tólem qabilettiligi - Aqtaý qalasy turǵyndarynyń kópshiligi jáne zańdy tulǵalardyń tólem qabilettiligi tómendegen. Mundaı kúrdeli jaǵdaı týyndaǵan kezde, janar-jaǵarmaı materıaldaryn ýaqytyly satyp alý, qyzmetkerlerge eńbekaqy tóleý, sonymen qatar, kásiporyndy qysqartý jáne basqa mindettemelerdi oryndaý múmkin emes bolyp otyr. Qaldyqtardy úzdiksiz jınaýdy toqtatý, óz kezeginde, halyqtyń densaýlyǵyna jáne jalpy sanıtarlyq-ekologııalyq jaǵdaıyna qaýip tóndiretini belgili. 

 -Karantındik  jaǵdaıda kásiporynnyń jumys isteýi, qaýipti jaǵdaılarda jumystardy oryndaý, arnaıy tehnıka men konteınerlik alańdardy dezınfeksııalaý quraldarymen qosymsha óńdeý úshin, epıdemııaǵa qarsy is-sharalardy qamtamasyz etý úshin, Sizden qatty turmystyq qaldyqtardy jınaý, shyǵarý jáne kómý boıynsha qyzmetter úshin bereshekti tóleýińizdi suraımyz. Aı saıyn jınaqtalǵan bereshek jóninde málimeti bar tólem qujattary klıentterge jetkizilip turady. Sonymen qatar, jınalǵan bereshekti klıentter bólip tóleý múmkindigi bar, - deıdi "Caspiy Operating" JShS-nyń basshysy Ádilet Pirimqulov.

"Caspiy Operating" JShS basqa da kommýnaldyq, tirshilikti qamtamasyz etetin kásiporyndar sııaqty boryshkerlerge áser etý, ıaǵnı elektrmen jabdyqtaýdy ajyratý, sý berý jáne t.b. joldarymen bereshekti qaıtarýdy, sotqa júginýden basqa, júzege asyra almaıdy.  Osyǵan oraı, sala mamandary atalǵan máselege turǵyndardan úlken jaýapkershilikpen qarap,  oryndaýlaryn suraıdy.

Turǵyndar tólemdi kelesi bank bólimshelerinde jáne ınternet-bankıngter jelisi men qosymshalarynda júrgizýge bolady: Kaѕribank, ForteBank, Homebank.kz, Sesna bank, Eýrazııalyq bank, Kazpochta, Kassa24 jáne QIWI termınaldary (árbir azyq-túlik dúkeninde ornalasqan).​

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir