Mańǵystaý oblysynyń ákimi Serikbaı Trumov bastaǵan jumys toby Aqtaý qalasyndaǵy birqatar qurylys alańdaryn aralady. Aımaq basshysy aldymen 33 shaǵyn aýdanda «Nurly jer» memlekettik baǵdarlamasy aıasynda «Qoljetimdi baspana» baǵyty boıynsha salynyp jatqan «Aqqý-3» turǵyn úı kesheniniń qurylysymen tanysty. Qurylys júrgizýshi merdiger mekemeler "Evrostroı" JShS, "Alıans Stroı LTD+R" JShS, "Kaskor SMÝ" JShS. О́ńir basshysy keshenniń qurylysyn aǵymdaǵy jyldyń qyrkúıek aıynda aıaqtaýdy tapsyrdy.

tukik

Budan keıin oblys ákimi  29 sh/a, 24 meken-jaıynda ornalasqan "Zavetnaıa mechta" obektisinde boldy.  Atalǵan ǵımaratta 2 memlekettik mekeme, biri Aqtaý qalalyq jumyspen qamtý jáne áleýmettik baǵdarlamalar bólimi, ekinshisi Aqtaý qalasy ákimdiginiń halyqty jumyspen qamtý ortalyǵy ornalasatyn bolady. Múmkinshiligi shekteýli jandardyń jáne jumyssyzdardyń "Áleýmettik portal " jáne "Enbek.kz" portalymen jumys jasaýlary úshin ózine-ózi qyzmet kórsetý alańy, kútý zaly, jumys berýshilermen jumys jasaý alańy, jumys izdeýshilermen jumys jasaý alańy jáne múmkinshiligi shekteýli azamattarmen jumys jasaý alańdarynyń bolýy eskerile otyryp iske asyrylýda. Joǵaryda atalǵan 2 memlekettik mekeme jylyna 33 myńnan asa halyqty qamtıtyn 18 túrli memlekettik qyzmet kórsetedi.

Sondaı-aq,  qalanyń 3 shaǵyn aýdanynda  tozyǵy jetken 670 kv turǵyn úılerdi jańartý boıynsha ınjenerlik jeliler qurylysy júrgizilýde. Onda aýyz sý, káriz qudyǵy, jylý, toq, gaz, telefon jelisi, joldardy abattandyrý josparlanǵan. 2019 jyly  "As-qurylys" JShS konkýrsty jeńip alyp, qurylys jumystaryn 2020 jyldyń aqpan aıynda bastady. Jobada shatyr (krovlıa) jáne aýmaqty abattandyrý jumystary qarastyrylmaǵan.  Joba "Jumyspen qamtýdyń Jol kartasyna" qosylǵan, qazirgi tańda qurylys jumysynyń 70 %-y jasaldy. Aımaq basshysy atqarýshy mekemelerge jumystyń sapaly jáne ýaqytynda oryndaýdy tapsyrdy.

Budan keıin jumys toby, qalanyń irgeside salynyp jatqan avtojoldyń qurylysymen tanysty. Jobanyń alǵashqy kezeńinde joldyń 15,6 shaqyrymynda asfalt tóseminiń negizgi jáne tómengi qabattary tóseldi. Jalpy uzyndyǵy 27 shaqyrymdy quraıtyn jol ýchaskesi 4 jolaqty bolmaq. Sondaı-aq, atalmysh nysanda jaıaý júrginshiler ótpeli men velojoldar salynyp, jaryqtandyrý baǵandary ornatylýda. Ýchaskedegi jumystarǵa tehnıkanyń 80 birligi men 200-ge tarta jumysshy jumyldyrylǵan. Qaıta jańartý jumystary men qurylys materıaldarynyń sapasyn «Jol aktıvteri sapasynyń ulttyq ortalyǵy» saraptamadan ótkizýde. Merdiger – «Aqjol Qurylys». Budan bólek, kompanııa sý tógetin «Shora» arnasy arqyly ótetin uzyndyǵy 70 metrden asatyn kópirdi salyp jatyr. 

Sonymen qatar, jolshylar jobanyń 4-shi kezeńi aıasyndaǵy jumystardy belsendi túrde júrgizýde. Uzyndyǵy 4,6 shaqyrymdy quraıtyn О́mirzaq eldi mekeninen Aqtaý qalasyndaǵy jaǵajaıǵa deıingi 4 jolaqty avtomobıl jolyn «Altynquryq» JShS salýda. Búgingi tańda nysannyń 4,2 shaqyrymynda joldyń negizgi tómengi qabattaryn tóseý jumystary jalǵasýda. Jol ýchaskesinde tehnıkanyń 50 birligi men 100-ge jýyq adam jumys isteýde.

Budan keıin jumys toby Mańǵystaýdaǵy eń iri azyq-túlik saqtaıtyn qoıma «Azersýn» logıstıka jáne óndiris ortalyǵyna bardy. Ǵımarat arnaıy ekonomıkalyq aımaǵynda ornalasqan. Aýmaǵy 10 myń sharshy metr  Munda júk kólikteri jáne temir jol arqyly tasymal júrgizýge tolyq múmkindik bar. Al, qoımanyń ózi gollandtyq tehnologııamen jabdyqtalǵan. Nysan eki bólikten turady. Bir jaǵynda qurǵaq ónim saqtalsa, salqyndatý jáne muzdatý arqyly da saqtaý qarastyrylǵan. Búginde qoımada 1108 tn un, 412 tn qant,277 tn kúrish, 94 tn makaron, 362 tn suıyq maı, 266 tn qus eti, 25 tn sút,400 000 dana jumyrtqa bar. Budan bólek jalpy turaqtandyrý qoryna 2700 tn-dan asa azyq-túlik jınaqtaý josparlanǵan. Qazirgi kezde 1068 tn azyq-túlik qoımada jınaqtaýly tur (zaım boıynsha 380 mln teńgeniń aınalymdaǵy azyq-túlikti eseptemegende).

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir