24 Sáýir, 2020 Aımaqtar

Mańǵystaýda keshendi jospar aıasynda 18 876 adam jumyspen qamtylady

qamshy.kz

Bul týraly qoǵamdyq kommýnıkasııa ortalyǵynda ótken brıfıngte Mańǵystaý oblysynyń jumyspen qamtýdy úılestirý jáne áleýmettik baǵdarlamalar basqarmasynyń  basshysy Shyńǵys Dúısenov málimdedi.

Elimizde jarııalanǵan tótenshe jaǵdaıǵa baılanysty keıbir mekeme, kásiporyndar ýaqytsha jumysyn toqtatty, sonyń saldarynan keıbir azamattar jumyssyz qaldy. Osyǵan oraı, Eńbek jáne halyqty áleýmettik qorǵaý mınıstrligimen birlesip Mańǵystaý oblysynyń ákimdigi oblys boıynsha halyqty jumyspen qamtýǵa járdemdesýdiń  keshendi josparyn jasaqtap, bekitti. Jospar sheńberinde barlyǵy 17 320 adam qamtylady dep kútilýde.

Jumyspen qamtý sharalary boıynsha 8 067 adam turaqty jumys oryndarymen, 7 334 adam ýaqytsha jumys oryndarymen qamtylmaq. Sondaı-aq, «Eńbek» memlekettik baǵdarlamasy sheńberinde qysqa merzimdi kásiptik oqýdy bitirgen 840 adam jumyspen qamtylsa, 624 adam shaǵyn nesıemen jáne 455 adam jańa bıznes-ıdeıalardy júzege asyrý úshin memlekettik granttarmen qamtylady.

           -Tótenshe jaǵdaıǵa baılanysty respýblıkalyq bıýdjetten qosymsha 1 556 adamdy qamtý úshin 585 mln. teńge qarjy bólindi. Onyń ishinde:

          - memlekettik grant – 180 adamǵa (95,4 mln. teńge);

          - aqyly qoǵamdyq jumys – 1 000 adamǵa (340,0 mln. teńge);

          - jastar tájirıbesi – 376 adamǵa (149,5 mln. teńge).

Barlyǵyn qosqanda osy Keshendi jospar sheńberinde 18 876 adam qamtylady - ,  dedi Mańǵystaý oblysynyń jumyspen qamtýdy úılestirý jáne áleýmettik baǵdarlamalar basqarmasynyń  basshysy Shyńǵys Dúısenov.

         

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir