• USD 468.56

  • EUR 497.56

  • RUB 7.3

  • CNY 67.18

29 Naýryz, 15:17:06
Almaty
+35°

Mańǵystaý oblysynda «Aýyl – el besigi» jobasy aıasynda 5 áleýmettik obekti qurylysyna jáne aýyldardyń ınjenerlik ınfraqurylymyn júrgizýge  1,5 mlrd. teńge bólindi.

Bul týraly qoǵamdyq kommýnıkasııa ortalyǵynda ótken brıfıngte Mańǵystaý oblysynyń ekonomıka jáne bıýdjettik josparlaý basqarmasynyń basshysy Marına Álibekova málim etti.

«Aýyl – El besigi» jobasynyń maqsaty – aýyldaǵy ómir sapasyn jaqsartý, aýyldyq jerdegi ınfraqurylymdy jańalaý, olardy Aımaqtyq standarttar júıesiniń parametrlerine jetkizý.

Ekonomıka mınıstrligi aýyldardy osy jobaǵa qosý úshin parametrlerdi anyqtady.

Olar:

  • halyq sanynyń ósý dınamıkasy;
  • halyqtyń jumyspen qamtýdyń ósý dınamıkasy;
  • iri eldi mekenderge alys-jaqyndyǵy;
  • mal jáne egin sharýashylyǵy kórsetkishteriniń ósý dınamıkasy;
  • TOP týrıstik aımaqtar jaqyndyǵy;
  • el qaýipsizdigi úshin strategııalyq mańyzy boıynsha kórsetkishter.

Jalpy alǵanda, damý úshin potensıaly bar jáne halyq sany kóp 28 perspektıvaly aýyldyq eldi meken jobaǵa engizildi.

Joba, aýdan ortalyǵy bolyp tabylatyn 3 aýylda 2019 jyly iske asyrylyp bastady. Olar – Mańǵystaý, Beıneý jáne Shetpe aýyldary (QR boıynsha – 53 aýyl , 30 mlrd. teńge).

2019 jyly 24 jobany iske asyrýǵa 1,4 mlrd.teńge bólinip, ıgerildi (respýblıkalyq bıýdjet – 1 204,6 mln. teńge, jergilikti – 173,7 mln. teńge).

4 áleýmettik ınfraqurylym obektisi jóndeldi. Olar – Shetpe aýylyndaǵy Bereket Jumalıev atyndaǵy orta mektep ǵımaratyn jáne 300 oryndyq Mádenıet úıin jáne Mańǵystaý aýylyndaǵy jastar resýrstyq ortalyǵyn aǵymdaǵy jóndeý jáne ortalyq kitaphana qurylysy;

7 turǵyn úı-kommýnaldyq sharýashylyq obektisi. Olar –Mańǵystaý aýylyndaǵy 4 ýchaskeniń kóshelerine jaryq tartý jáne Beıneý aýylynyń kóshelerine gaz qubyryn salý jumystary;

3 aýyldaǵy kólik ınfraqurylymynyń jalpy uzyndyǵy 38,2 kılometr bolatyn 13 obektisi.

Barlyq obektiler merziminde aıaqtaldy.

2020 jylǵa arnalǵan bıýdjette «Aýyl – El besigi» jobasy aıasynda basynda 1,6 mlrd.teńge qaralǵan bolatyn (respýblıkalyq bıýdjet – 1 387,4 mln. teńge, jergilikti bıýdjet -215,6 mln. teńge). Sáýir aıynda qosymsha 2,5 mlrd.teńge bólindi. Nátıjesinde, bıylǵa arnalǵan jalpy kólem   4,1 mlrd.teńgeni, onyń ishinde respýblıkalyq bıýdjet somasy 3,8 mlrd. teńgeni qurady.

7 aýyl boıynsha (Beıneý, Aqshuqyr, Qyzyltóbe, Baıandy, Basqudyq, Rahat, Shetpe aýyldary) 33 jobaǵa, sonyń ishinde:

- 5 áleýmettik obekti qurylysyna jáne aýyldardyń ınjenerlik ınfraqurylymyn júrgizýge – 1,5 mlrd. teńge;

- aýylishilik joldardy salýǵa jáne ortasha jóndeýge –  2,6 mlrd.teńge bólinedi. Barlyǵy – 32,2 km. jol salý jáne 54 km. joldy jóndeý.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir