Bul týraly Mańǵystaý oblysynyń Qoǵamdyq kommýnıkasııalar ortalyǵynda ótken brıfıng barysynda QR sybaılas jemqorlyqqa qarsy is-qımyl agenttiginiń MO boıynsha departament basshysynyń birinshi orynbasary Serik Mahanbetáliuly Qanybek málimdedi.

           -QR ekologııa, geologııa jáne tabıǵı resýrstar mınıstrliginiń orman sharýashylyǵy jáne janýarlar álemi komıtetiniń orman sharýashylyǵy jáne janýarlar álemi aýmaqtyq ınspeksııasyna joldanǵan hattyń negizinde formalyq jún bas kıimderdiń satyp alý baǵasy túsirildi. Atalǵan bas kıimniń alǵashqy baǵasy 58 000 teńgeden 15 500-ge deıin túsirilip, osylaısha 2 295 000 teńge únemdeldi.

Sonymen qatar, Mańǵystaý oblysynyń densaýlyq saqtaý basqarmasyna óńirde TJ jáne karantın kezeńiniń engizilýin eskere otyryp, joldaǵan hatymyzǵa sáıkes salaýatty ómir saltyn nasıhattaý qyzmetin alýǵa arnalǵan jalpy somasy 133 383 000 teńgeni quraıtyn memlekettik satyp alý konkýrsy toqtatyldy, - dedi Serik Mahanbetáliuly

Onyń aıtýynsha, «Departamenttiń hatyna sáıkes, aldyn-ala josparlanǵan keıbir zattardyń baǵasy tómendetilip, oblystyq kópsalaly balalar aýrýhanasy 740 000 teńgeni únemdedi.

Budan buryn Departamenttiń bastamasymen oblys ákimdiginde basqarmalar men jergilikti atqarýshy organ bólimderiniń basshylaryna arnalǵan keńeıtilgen keńes ótkizilip, onda memlekettik satyp alý týraly zańnamanyń talaptary túsindirildi».

      -Aǵymdaǵy jylǵy 13 jáne 15 qańtarda Aqtaý qalasynyń turǵyn úı kommýnaldyq sharýashylyǵy qyzmetindegi sybaılas jemqorlyq táýekelderin syrtqy taldaý nátıjeleri boıynsha biz elektr energııasyn jetkizý, berý jáne tutyný qyzmetterin kórsetýge kelisim-sharttardy zańsyz jasasý faktileri boıynsha Qazaqstan Respýblıkasy Qylmystyq kodeksiniń 189-baby, 4-bóligi, 2-tarmaǵy boıynsha 2 qylmystyq is tirkedik.

      «Sapaly jol» jobasyn júzege asyrý úshin biz Kóliktik baqylaýdyń aımaqtyq ınspeksııasymen birlesip júk kólikteriniń ınertti júkterdi tasymaldaý monıtorıngin júrgizdik.

Nátıjesinde 2 adam kólik quralynyń jalpy massasy men ostik júktemesinen asyp ketýi jáne artyq gabarıtteri bar iri kólik quraldarynyń ótkendigi úshin ákimshilik jaýapkershilikke tartyldy (Ákimshilik quqyq buzýshylyq týraly kodekstiń 571-babynyń 1 jáne 6-bólikteri). Olarǵa jalpy 742 280 teńge kóleminde aıyppul salyndy,-dep málimdedi Departament basshysynyń birinshi orynbasary.

      QR sybaılas jemqorlyqqa qarsy is-qımyl agenttiginiń Mańǵystaý oblysy boıynsha departamenti Jolaýshylar kóligi jáne avtomobıl joldary basqarmasymen, «Jol aktıvteriniń sapasy ortalyǵy» RMK-men jáne tehnıkalyq qadaǵalaýdy júzege asyratyn «Munaı Joldary» JShS-men birlesken túrde «Jyńǵyldy-Shaıyr-Sherqala» avtojolynyń (29 km) qurylysyna monıtorıng júrgizgen.

Onyń barysynda jol salý kezinde buryn anyqtalǵan buzýshylyqtardy merdiger («Altyn quryq» JShS) joımaǵany anyqtalyp, osyǵan baılanysty tıisti akt jasalǵan jáne olardy joıý boıynsha sharalar qabyldanýda.

Spıkerdiń málimdeýinshe, Departament qyzmetkerleri «Adal jol» jobasy aıasynda oblystyq kóliktik baqylaý ınspeksııasymen birlesip Mańǵyshlaq-Aqtóbe jáne Almaty-Mańǵyshlaq marshrýttarynda poıyzdarǵa bıletsiz jolaýshylardyń jáne rásimdelmegen júkter tasymaldaryn anyqtaý maqsatynda monıtorıng júrgizdi.

Nátıjesinde, júkterdi, jolaýshylardy, bagajdy jáne júk bagajyn tasymaldaý erejelerin buzǵany úshin 4 jolserikke qatysty 5 ákimshilik hattama jasaqtalǵan (Ákimshilik quqyq buzýshylyq týraly kodekstiń 571-baby 4-bóligi) jáne bıletsiz jolaýshylardy tasymaldaǵany úshin (Ákimshilik quqyq buzýshylyq týraly kodekstiń 623-baby, 4-bóligi) árqaısysyna aıyppul salynǵan.

 «Mańǵystaý-adaldyq alańy» jobalyq keńsesiniń jáne Arnaıy monıtorıngtik top ókildermen birge UBT tapsyrý barysyn baqyladyq, bilim berý uıymdarynda «Biryńǵaı saǵat» respýblıkalyq aksııasyn ótkizdik. Agenttik basshylyǵynyń, oblys ákimi, memlekettik jáne quqyq qorǵaý organdarynyń basshylary, máslıhattar depýtattary, ÚEU ókilderiniń qatysýymen «Antikor ortalygy» ashyldy,-dedi S. Qanybek.

Departament tarapynan «Halyq zańgeri» jobasy aıasynda oblys prokýratýrasynyń, polısııanyń, Ekonomıkalyq tergeý jáne memlekettik qyzmet departamentiniń qyzmetkerlerimen birlesken, tegin zańgerlik kómek kórsetý úshin azamattardy qabyldaý ótkizildi.

Jańaózen qalasy men Mańǵystaý aýdanynda «Mańǵystaý – Adaldyq alańy» jobalyq keńsesiniń fılıaldary ashyldy. Onda aımaq aktıvterimen kezdesýler ótkizilip, memlekettiń sybaılas jemqorlyqqa qarsy saıasaty túsindirildi.

-Qazirgi ýaqytta tótenshe jaǵdaı men karantınniń engizilýine baılanysty bizdiń tarapymyzdan ANTIKOR.LIVE jobasy sheńberinde onlaın-rejımde zańdardy túsindirýmen jáne turǵyndardyń suraqtaryna jaýap berý maqsatynda memlekettik organdar men uıymdardyń basshylary tikeleı efırge shyǵýda,- dep málimdedi Serik Mahanbetáliuly.

Ilmek sózder: karantın Qazaqstan

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir